MATIUS 21:17 - Alkitab Singog In Mongondow Masa In Tanaa

¹⁷ Bo sinaḷaan-Neamai in mosia poḷat iḷumuai nongkon kotá tatua bo minayá in Betania nosiug kon tua.

MATIUS 21:17 ပူးပေါင်းရင်းမြစ်များ

YEREMIA 6:8

Ei intau in Yerusalem, igumon mako bayongan in roriga tatua mobaḻí tompoingat kon inimu! Dika modapot in Akuoi monaḷámai kon imonimu bo baḻíon-Ku in kotámu tatua padang gurun inta diá pinogutunan in intau.”

HOSEA 9:12

Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”

MATIUS 16:4

“Intau mita inta moraat bo diá motuḻid in gina tanaa, mopoigum in tanda. Táe mosia in diábí popoontongan intua, koḻikudbí in tanda i Nabi Yunus.” Nopaḷut mako nosingog kon tua, sinaḷaanmaidon i Yesus mosia tua.

MATIUS 26:6

Naonda in ki Yesus kon Betania, kon baḷoi i Simon inta koḻipod pinanyaki kusta,

MARKUS 11:1

Wakutu in mosia nodiugdon kon Yerusalem, mosia noiyaputdon in kotá in Betpage bo Betania, kon oyuk in buḷud in Zaitun. Kon tua ki Yesus nopotabá in murí-Nea doyowa,

MARKUS 11:11

Noiyaputmai kon Yerusalem sinumuot in ki Yesus kon Baḷoi i Allah. Kon tua Sia nonarukira kon bayongan yagi-yagi. Táe popisí in noungkoḷomdon dá sia takin murí-Nea mopuḷú bodoyowá minayádon in Betania.

MARKUS 11:19

Naonda in noungkoḷomdon, ki Yesus bo murí-Nea mita iḷumuaidon kon kotá tatua.

MARKUS 14:3

Naonda in ki Yesus kon Betaniadon kon baḷoi i Simon inta koḻipod kinotugatan in takin kuḻit mokorongó, indoianmai namangoidon in tobatú bobay kodia-dia in botoḷ in ḷana narwastu inta momahaḷ totok inta inaidan nongkon uakat mobondu. Wakutu in ki Yesus yogot mongaan, iḷosidon in bobay tatua botoḷ in ḷana nobondu tatua bo pinoginggúnea kon uḷu i Yesus in bonunea.

MARKUS 3:7

Noiduduimai kon tua, ki Yesus takin murí-Nea mita sinimípa bo nopobayá in Danow Galilea. Táe nobayong totok in intau nongkon Galilea in dinumudui kon i Yesus. Nobayong doman in namangoi nongkon Yudea,

LUKAS 10:38

Onda intua ki Yesus bo murí-Nea mita nongingguputdon kon bobayáan monia, bo mosia in noiyaputdon in tobatú ḻipu. Kon ḻipú tatua oyúon tobatú bobay nogoiní kon i monia minayá in baḷoinea, ki Marta in tangoinea.

LUKAS 19:29

Naonda in nodiugdon kon Betpage bo Betania kon Buḷud in Zaitun, Sia in nopotabá kon murí-Nea doyowa mayá umuna takin koyow nanaa,

LUKAS 24:50

Nopaḷut mako kon tua, ki Yesus nodia kon i monia minayá iḷumuai kon kotá nodapot in Betania. Kon tua Sia nobingkat kon ḻima-Nea bo nomarakat kon i monia.

YOHANES 11:1

Oyúon tobatú intau ki Lazarus in tangoinea. Sia in nogutun kon Betania noyotakin i utatnea mita bobay ki Maria bo ki Marta.

YOHANES 11:18

Betania naa in nodiug kon Yerusalem, degá toḷumai nokilo in koyayúnea.