MATIUS 21:15 - Alkitab Singog In Mongondow Masa In Tanaa

¹⁵ Táe naonda imang mita itoi bo mototundú mita kon agama nokoontong kon soaḷ mita mokoherang inta inaidan i Yesus tatua bo mokodongog kon mongoadí mita nomaḷú kon bonu in Baḷoi Tuhan, “Saḷamat kon i Adí i Daud!” Dá mosakí totok in gina monia.

MATIUS 21:15 ပူးပေါင်းရင်းမြစ်များ

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

MATIUS 20:24

Nokodongogmai kon tua murí-Nea mopuḷú sinumorú kon i nayadua mogutat tatua.

MATIUS 21:23

Bo ki Yesus in sinumuot kon Baḷoi Tuhan, bo naonda in Sia notundú kon tua, namangoidon in imang mita itoi takin guhanga mita in ḻipú intau in Yahudi, bo noḻibó kon i-Nia, “Degá nongkon onda in kawasa inta pinogaid-Mu kon soaḷ mita tatua? Ki ine in nobogoi in kawasa tatua kon ini-Mu?”

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

MATIUS 22:42

“Aka podudui in raian monimu yo buí i ine in ki Mesias? Ki Adí i ine in Sia?” Tubag monia kon i-Nia, “Buí i Daud.”

MATIUS 26:3

Kon dodai intua imang mita itoi bo guhanga mita in ḻipú intau Yahudi noyosipun kon palas i Kayapas, imang moḷoben.

MATIUS 26:59

Imang mita itoi bo bayongan in Sidang Agama moḷongasi motayak kon taḷá-Nea, sinbá baḻíon dodoyonan pohukuman kon i-Nia modapot in matoi.

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

MATIUS 27:20

Táe lantaran pinakisa saḷaḷu in imang mita itoi bo guhanga in ḻipú, dá intau mita kon tua nonantúdon kon mopoigum sinbá poḷuaiondon in ki Barabas bo ki Yesus in hukumon matoi.

MATIUS 9:27

Naonda in ki Yesus nongingguput kon bobayáan-Nea, intau bilog doyowa dumuduianmai kon i-Nia bo sindaḷan momaḷú kai monia, “Adí i Daud, kotabipa in kami naa!”

MARKUS 11:18

Singog-Nea tatua dinongog in imang mita itoi bo mototundú mita kon agama in Yahudi. Dá nomangkoidon in mosia motayak kon naonda in poḷoḻimod kon i Yesus. Mosia in moondok kon i-Nia sin bayongan intau mopia in gina mokodongog kon totundú-Nea.

LUKAS 20:1

Kon singgai tobatú, ki Yesus yogot in motundú bo mopoyaput in Habar Mopia nongkon i Allah kon intau mita inta kon bonu in Baḷoi Tuhan. Imang mita itoi, mototundú mita kon agama, bo itoi mita intau Yahudi in namangoi,

LUKAS 22:2

Imang mita itoi bo mototundú mita kon agama norai mongo naonda in poḷoḻimod monia kon i Yesus, táe umuni-uni sin moondok kon intau moantó.

LUKAS 22:66

Bo naonda in doḷom-doḷomdon, nosipundon in guhanga mita in ḻipu intau Yahudi, imang mita itoi bo mototundú mita kon agama, bo nodia kon i Yesus pinotayow kon sidang agama.

YOHANES 11:57

Mosia in noguman natua sin imang mita itoi bo intau mita in Parisi ain nopoḷuai in parenta kon ki ine in nokotaau kon onda in Yesus, musti mopotaau sinbá Sia in kodomokan.

YOHANES 12:19

Dá intau mita in Parisi mulaidon nosigumanan, “Diá mokopongonu in kita! Indoiaika bayongan in intau kon dunia naa mayá dumudui kon i-Nia!”

YOHANES 4:1

Dinongogdon in intau mita in Parisi kon ki Yesus ain nokouḻí poḷat nobaptis kon intau mobayo-bayongdon kon dumodudui i Yohanes. (

YOHANES 7:42

Kon Buk Motusi ain pinais, kon Datu Mopoposaḷamat in nongkon buíbí i Daud, bo mamangoibí nongkon ḻipu in Betlehem, ḻipu inta pinogutunan i Daud koḻipod.”