MATIUS 21:12 - Alkitab Singog In Mongondow Masa In Tanaa

¹² Kon tua ki Yesus sinumuot kon Baḷoi Tuhan bo noguntun kon intau mita inta nopotaḷui kon tua. Binaḻikuat-Nea mita in meja inta pononoḻiuan kon doit bo bangko mita in intau inta mopopotaḷui in ḷagapan paḷoma.

MATIUS 21:12 ပူးပေါင်းရင်းမြစ်များ

IḶUAIAN 30:13

Bayongan intau inta iapondon kon pogiapan tatua musti moguboḻi podudui in boḻi inta ain sinantú kon Ḷoḷaigan-Ku mobaḻí salehe inta tongá poyaput kon i-Nakó.

IMAMAT 1:14

Aka inta pinosumba tatua bo ḷagapan tobatú, dá musti ḷagapan tarangkuku ande ḷagapan paḷoma inta moḻineapa.

IMAMAT 12:6

Naonda in wakutu pondaritan mopaḷutdon, pinomayá in sia nopononggadí in adí ḷoḷaki ande adí bobay, bobay tatua musti modia kon sosumbanea kon i imang kon tayowon ngara in Ḷoḷaigan i Tuhan. Sosumba tatua in ná batangan ki adí in domba tobatú inta umurdon totaong sin pomiaan kuruban inta tubáan, bo togapang doman in ḷagapan paḷoma inta baḻíon kuruban potobut kon dosa.

IMAMAT 12:8

Aka bobay tatua diá mokopooyúon kon ki adí in domba tobatú, dá sia in mustidon modia kon ḷagapan paḷoma doyowa inta noguodpa ande ḷagapan tarangkuku inta moḻineapa doman: tobatú in aidan kuruban tubáan bo inta tobatú in aidan kuruban potobut kon dosa. Imang musti mogaid kon upacara pondaritan kon inta monajis kon bobay tatua, dá bobay tatua in modaritdon.

IMAMAT 14:22

Sia musti doman modia kon ḷagapan paḷoma doyowa inta moḻinea ande moḻi in tarangkuku: tobatú in baḻíon kuruban potobut kon dosa bo inta tobatú doman in baḻíon kuruban tubáan.

IMAMAT 14:30

Onda intua ki imang musti moposumba in ḷagapan paḷoma tobatú inta moḻineapa ande moḻi in tarangkuku

IMAMAT 15:14

Kon singgai noginwaḷu sia in musti modia kon ḷagapan paḷoma doyowa inta moḻineapa ande moḻi in tarangkuku kon tayowon ngara in Ḷoḷaigan i Tuhan bo posarakannea kon i imang.

IMAMAT 15:29

Kon singgai noginwaḷu sia musti modia kon ḷagapan paḷoma doyowa inta moḻineapa ande moḻi in tarangkuku kon i imang kon tayowon ngara in Ḷoḷaigan i Tuhan.

IMAMAT 5:11

Aka intau inta kotaḷá tatua diá mokopooyúon in ḷagapan tarangkuku togapang ande ḷagapan paḷoma mobaḻí kuruban potobut kon dosa, dá sia in musti modia kon topong tokilo. Topong tatua diábí motaau in bauian in ḷana zaitun ande takinan in kamania, sin kuruban tatua in kurubanbí potobut kon dosa deemanbí kuruban oḷudon.

IMAMAT 5:7

Táe aka intau inta kotaḷá tatua diá mokopooyúon kon domba ande bembé sin potobut kon dosanea, dá sia in mustidon modia kon ḷagapan tarangkuku togapang ande ḷagapan paḷoma moḻinea, tobatú in baḻíon kuruban potobut kon dosa, bo tobatú in baḻíon kuruban inta tubáan.

MARKUS 11:11

Noiyaputmai kon Yerusalem sinumuot in ki Yesus kon Baḷoi i Allah. Kon tua Sia nonarukira kon bayongan yagi-yagi. Táe popisí in noungkoḷomdon dá sia takin murí-Nea mopuḷú bodoyowá minayádon in Betania.

LUKAS 2:24

Mosia in makusud doman mobogoi in ḷagapan tarangkuku topar andeka paḷoma doyowa inta nongoguodpa mobaḻí kuruban ná inta ain sinantú kon Hukum i Tuhan.

YOHANES 2:13

Naonda in Singgai Moḷoben Paska in Intau Yahudi nodiugdon, ki Yesus minayá in Yerusalem.