MATIUS 21:11 - Alkitab Singog In Mongondow Masa In Tanaa

¹¹ Intau moantó tatua notubag, “Naadon in ki Nabi Yesus nongkon Nazaret kon Galilea.”

MATIUS 21:11 ပူးပေါင်းရင်းမြစ်များ

MATIUS 2:23

Kon tua, sia nogutun kon ḻipú inta tangoinea in Nazaret. Tua komintan nobaḻí sinbá motompodon Pirman inta aindon pinoyaput i nabi mita, kon sia in tangoion, “Intau in Nazaret.”

MATIUS 21:10

Bo naonda in Sia sinumuot kon Yerusalem, nodowawádon totok in bayongan intau kon kotá tatua bo intau mita noḻibó. “Ki ine degá in intau tanaa?”

MATIUS 21:26

Tongá aka tubagan naton, ‘Nongkon intau,’ yo intau moantó tanion tumorú kon i naton sin inanggap monia in ki Yohanes tua in tobatúbí nabi.”

MATIUS 21:46

Dá ḷongasiondon monia domokon in Sia, táe mosia moondok kon intau moantó kon tua, sin inanggap in intau moantó tatua kon Sia tua in nabi.

MARKUS 6:15

Táe oyúon doman intau ibanea in noguman, “Sia nion ki Elia.” Oyúon in noguman, “Sia tua in tobatú nabi naonda bo tobatú nabi mita tungkuḷ intua.”

LUKAS 13:33

Táe umpaka natua yo Akuoi in mustipabí mongingguput kon bobayáan-Ku in singgai naa, ikoḷom bo toumá, sin diábí mopia in tobatú nabi ḻimodon kon ḷuai in Yerusalem.

LUKAS 24:19

Dá ki Yesus in noḻibó doman, “Onu intua?” Tubag monia doman, “Soaḷ inta nobaḻí kon i Yesus intau in Nazaret tua. Sia tua in tobatúbí nabi. Singog bo oaid-Nea mita totokbí in mokawasa – pinomayá kon mata i Allah andeka kon mata in bayongan intau.

LUKAS 7:16

Intau kon tua noondok komintan bo nodayow kon i Allah poḷat noguman, “Tobatú nabi inta moḷoben naadon kon yua-yuak naton! Bo ki Allah in namangoidon moposaḷamat kon umat-Nea!”

LUKAS 7:39

Naonda in inontong intau in Parisi inta nogoiní kon i Yesus nongaan, sia in nosingog kon bonu in ginanea, “Aka Sia naa bo totu-totuu nabi, yo tantú kotaauan-Neabí doman kon bobay tatua intaubí inta totok in binaradosa!”

YOHANES 1:21

Dá bui iḻibó monia, “Aka natua, yo ki ine iko? Ki Elia degá iko?” Tubagnea: “Deeman”. “Tobatú nabi degá?” iḻibó bui monia. Táe ki Yohanes in notubag doman: “Deeman”.

YOHANES 1:25

noḻibó kon i Yohanes nanaa: “Aka iko deeman Datu Mopoposaḷamat, deeman ki Elia, bo deeman doman tobatú nabi, yo nongonu sin iko i mobaptisbí?”

YOHANES 4:19

Bobay tatua in noguman, “Kinotaauankudon tanaa kon ki Tuang in tobatúbí nabi.”

YOHANES 6:14

Naonda intau moantó tatua nokoontong kon inta mokoherang pinomia i Yesus, mosia in noguman, “Totuu, naabí in nabi inta i harap mako mamangoi in dunia!”

YOHANES 7:40

Nobayong intau in nokodongog kon onu in siningog i Yesus, bo kon sigad monia tua oyúon in noguman, “Intau tanion in totu-totuubí kon nabi inta pinodandi mamangoi tua!”

YOHANES 9:17

Dá intau mita in Parisi in noḻibó bui kon intau tatua, “Aka podudui in raianmu, yo naonda in soaḷ Sia inta nongundam kon matamu nion?” “Sia tua in nabibí,” tubag in intau tatua.

OUMAN IN RASUL MITA 7:37

Siabí doman tua inta noguman kon bangusa in Israel, ‘Ki Allahbí in mobogoi kon inimu in tobatú nabi inta piniḻí-Nea kon sigad monimu, ná Sia ain nomiḻí kon inakó.’