MATIUS 21:1 - Alkitab Singog In Mongondow Masa In Tanaa

¹ Naonda in ki Yesus bo murí-Nea mita nodiugdon kon Yerusalem bo noidapotdon in tampat inta sinangoi Betpage kon buḷud in Zaitun. Ki Yesus in nopotabá kon murí-Nea doyowa.

MATIUS 21:1 ပူးပေါင်းရင်းမြစ်များ

ZAKHARIA 14:4

Kon singgai tatua Sia in simindogdon kon Tombuḷud in Zaitun, kon dotá in pomukaan nongkon Yerusalem. Dá Tombuḷud in Zaitun in kobotakan in ḷopá inta mobendar, pinangkoi kon pomukaan modapot in toyopan. Tongobotak in tombuḷud tatua in mopobayá ná utuan, bo tongobotak doman in mopobayá in toḷatan.

MATIUS 20:34

Bo noḻiaidon in gina i Yesus sin notabi, dá iyapu-Nea in mata monia. Bo kon dodaipa doman tatua bo nokoindoi bo poḷat in mosia dinumudui kon i Yesus.

MATIUS 21:2

Takin koyow nanaa, “Bayádon in ḻipú inta kon tayowonmai tanion, kon tua moiko mokodungkuḷ kon keledai kobaayan tobatú inta kotogo-togot bo ki adínea in tua kon diugneamai. Bukádon keledai tatua bo diadon mangoi kon i-Nakó in keledai doyowa tatua.

MATIUS 24:3

Wakutu in ki Yesus iḻimitú kon tudu in Buḷud Zaitun, murí-Nea mita namangoidon kon i-Nia bo nongonguman-Neamai. Kai monia. “Pogumandon kon inami, mongó toonu in tua komintan mobaḻí bo onu in tanda kon koangoian-Mu bo tanda in kopaḷutan dunia naa?”

MATIUS 26:30

Nopaḷut mako, mosia nopodondong in dondong dodayow. Bo nopaḷut mako kon tua mosia in notakodon kon Buḷud in Zaitun.

MARKUS 13:3

Noiduduimai kon tua ki Yesus minayá in Buḷud in Zaitun bo iḻimitú kon tampat inta noyogintayow in Baḷoi Tuhan. Ki Petrus, ki Yakobus, ki Yohanes bo ki Andreas namangoi kon i-Nia sin nongonguman takin-Nea.

MARKUS 14:26

Noiduduimai kon tua mosia nopodondong in tobatú dondong dodayow. Nopaḷut mako kon tua mosia minayádon in Buḷud Zaitun.

LUKAS 21:37

Aka singgai, ki Yesus in mobogoi in totundú kon bonu in Baḷoi Pososambayangan, táe aka doḷom yo sia in mayá in Buḷud Zaitun mogutun kon tua.

LUKAS 22:39

Ki Yesus in iḷumuai kon kotá bo minayá in tampat inta biasamai bayáan-Nea kon buḷud in Zaitun. Murí-Nea mita minayá doman takin-Nea.

YOHANES 8:1

Táe ki Yesus in minayá in Buḷud Zaitun.

OUMAN IN RASUL MITA 1:12

Onda intua rasul mita tatua in nobuidon kon Yerusalem sin mosia in nongkon buḷud in Zaitun. Buḷud tatua degá toribumai nometer in koyayúnea nongkon Yerusalem.