MATIUS 20:6 - Alkitab Singog In Mongondow Masa In Tanaa

⁶ Bo naonda in moḷoḷabungdon totok, sia iḷumuai bui bo noyodungkuḷ doman in intau ibanea. Bo sia in noḻibó kon i monia, ‘Nongonu sin tumongo singgai naa moiko in tongábí modondaḷoi magí-mako?’

MATIUS 20:6 ပူးပေါင်းရင်းမြစ်များ

AMSAL 19:15

Aid maḷat mokopopisí kon intau mosiug moanok, bo imbuitnea intau maḷat koaputan in gogoy.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YEHEZKIEL 16:49

Sodom bo ḻipúnea mita in noḷoḷatú popisí in nobayong in tongkaaḷ kaanon bo nobiagdon noodom bo nodame. Táe mosia in diá noindoimai kon intau nobogá bo noompá.

MATIUS 20:5

Degá noutumaidon in singgai bo kon jam nogintoḷu moḷoḷabung iḷumuai bui in sia bo nogaid kon ná inta muna inaidannea.

MATIUS 20:7

Mosia in notubag kon inia, ‘Kakaa diá onda intau mogoiní kon inami mogaid.’ Dá sia in noguman doman kon i monia, ‘bayádon moiko pogaid kon gobá in anggurku.’

MATIUS 20:9

Bo namangoidon in mosia inta nogaid degá mulai jam ḻimamai ḷoḷabungnea, pomuḷoi intau inuboḻian in todinar.

YOHANES 9:4

Kon dodai in nobayagpa, kita in musti mogaid kon oaidan i-Nia inta nopotabá kon i-Nakó. Moiangoibí in doḷom, bo diábí in tobatúmai intau in motaau mogaid.

OUMAN IN RASUL MITA 17:21

Sin bayongan intau in Atena bo intau mita mokokiangoi inta nogutun kon tua totok mongoibog tumompoḻitúanmai mokidongog bo mongonguman kon soaḷ mita inta mobagu.)

IBRANI 6:12

Donaai mokopomaḷat, táe duduiaidon aid in intau mita inta ain notarima kon onu inta pinodandi i Allah, sin mosia in umuran nopirisaya kon i Allah bo nosabar doman mako in nogoḷat.