MATIUS 20:5 - Alkitab Singog In Mongondow Masa In Tanaa

⁵ Degá noutumaidon in singgai bo kon jam nogintoḷu moḷoḷabung iḷumuai bui in sia bo nogaid kon ná inta muna inaidannea.

MATIUS 20:5 ပူးပေါင်းရင်းမြစ်များ

MATIUS 20:4

Dá sia in noguman kon i monia, ‘Bayádon in moiko bo pogaid kon gobá in anggurku, bain uboḻianku in moiko, podudui onu in kon ibogku ogoi kon inimu.’ Bo mosia tua in minayá doman bo nogaid.

MATIUS 20:6

Bo naonda in moḷoḷabungdon totok, sia iḷumuai bui bo noyodungkuḷ doman in intau ibanea. Bo sia in noḻibó kon i monia, ‘Nongonu sin tumongo singgai naa moiko in tongábí modondaḷoi magí-mako?’

MATIUS 27:45

Pinangkoi kon jam mopuḷú bodoyowá moutu in singgai nodapot in jam nogintoḷu sinimindip in ḻipú tatua.

YOHANES 1:39

Dá kai Yesus doman, “Koḻigai! Indoiaidon monimu tontaní.” Mosia in namangoi domandon bo noindoi kon pinogutunan-Nea. Dodai intua jam opatdon moḷoḷabung. Singgai intua mosia in nogutunpa noyotakin i Yesus.

YOHANES 11:9

Ki Yesus in notubag, “Degá diábí kinotaauan monimu kon tosinggai tua mopuḷúbí bodoyowá, nojam? Intau inta mayá singgai, diábí moipintud, sin ontongonneabí in bayag in dunia naa.

YOHANES 4:6

Kon tua oyúon parigí i Yakub. Noḷopídon totok in ki Yesus sin bobayáan tatua, tuamai in Sia iḻimitúpa kon bingkímai in parigí tatua. Dodai intua noutudon in singgai, degá jam mopuḷú bo doyowa.

OUMAN IN RASUL MITA 10:3

Kon singgai tobatú, degá jam intoḷuneadon ḷoḷabungnea, inontongnea notarang in tobatú malaekat sinumuot kon baḷoinea bo nokuuk kon inia nanaa, “Kornelius!”

OUMAN IN RASUL MITA 10:9

Nopoikoḷomai kon singgai, kon wakutu in bobantungnea mita tatua kon daḷanpa bo motoyongdon moyaput in Yope, degá jammaidon mopuḷú bodoyowá tusinggainea, ki Petrus in noponikdon kon baḷoi sin mosambayang.

OUMAN IN RASUL MITA 3:1

Kon singgai tobatú wakutu in orasdon posambayangan sin aindon jam nogintoḷu ḷoḷabungnea, ki Petrus bo ki Yohanes in minayá sinumuot kon Baḷoi Tuhan.