MATIUS 20:34 - Alkitab Singog In Mongondow Masa In Tanaa

³⁴ Bo noḻiaidon in gina i Yesus sin notabi, dá iyapu-Nea in mata monia. Bo kon dodaipa doman tatua bo nokoindoi bo poḷat in mosia dinumudui kon i Yesus.

MATIUS 20:34 ပူးပေါင်းရင်းမြစ်များ

MAZMUR 119:67

Kon dodai in diápa ihukum, akuoi in sinumabat, tanaa in akuoi kinumadai kon parenta-Mu.

MAZMUR 119:71

Totuubí kon mopiabí in Iko in nohukum kon inakó, sinbá kotaauankudon in atorang-Mu mita.

MAZMUR 145:8

Ki Tuhan tua in motabi bo mopia in gina, diá baḷú tumorú bo umuran motabi.

MATIUS 14:14

Naonda in mosia sinumubu ki Yesus nokoontong kon intau nobarong totok, dá noḻiai in gina-Nea popisí in tabi-Nea kon i monia. Bo inundaman-Nea in mosia inta notakit.

MATIUS 15:32

Ki Yesus nogoiní kon murí-Nea mita bo noguman, “Akuoi motabi totok in mokoontong kon intau mita tanion. Mosia aindon toḷu nosinggai in dinumudui kon i-Nakó bo mosia in diá nodia kon kaanon. Akuoi in doíbí mopobui kon i monia kon dodai in mosia gogoyon, sin dikabo moumpag kon daḷan.”

MATIUS 20:33

Tubag monia, “Tuhan, undamaidon in mata nami sinbá mokoindoidon!”

MATIUS 21:1

Naonda in ki Yesus bo murí-Nea mita nodiugdon kon Yerusalem bo noidapotdon in tampat inta sinangoi Betpage kon buḷud in Zaitun. Ki Yesus in nopotabá kon murí-Nea doyowa.

MATIUS 8:15

Dá dinimiug in Sia bo nokadai kon ḻima in bobay tatua, bo poḷatdon nopia in patúnea. Dá bango-bangon in sia bo nobantung kon i-Nia.

MATIUS 9:29

Bo kinadaian i Yesus in mata monia poḷat nosingog, “Popisí in moiko mopirisaya dá kobaḻídon onu inta kinoibog monimu.”

MATIUS 9:36

Nokoontongmai kon intau moantó tatua, Sia inangoian totok in tabi kon i monia, sin mosia totokdon in moḷopí bo diádon kodaya, naonda bo domba inta diádon kogombala.

MARKUS 7:33

Intau bongoḷ bo bobó tatua dinia i Yesus pinotontaní kon intau nobayong bo pinobonunea in gongguyamú in ḻima-Nea kon bongoḷan in intau tatua, onda intua nonduyá in Sia bo iyapu-Nea in dilá intau tatua.

LUKAS 18:43

Kon dodaipa doman tatua bo nokoontongdon in intau tatua poḷat dinumudui kon i Yesus bo sindaḷan modayow kon i Allah.

LUKAS 22:51

Táe ki Yesus in noguman, “Donaaidon!” Bo kinadaian-Neadon in bongoḷan in intau tatua bo inundaman.

LUKAS 7:13

Naonda in ki Yesus nokoontong kon boba-bobay tatua noḻiai in ginanea sin tabi-Nea. Dá Sia in noguman nanaa, “Donaaidon mongombaḷ!”

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

IBRANI 2:17

Mangaḻenea kon naa kon bayongan in yagi-yagi Sia in musti mobaḻí naonda bo ki utat-Nea mita, sahingga notaau in Sia nobaḻí Imang Moḷoben inta motoindudui kon i Allah bo kototabi. Tua in pomiaan-Nea sinbá ampungandon dosa in intau.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.