MATIUS 20:26 - Alkitab Singog In Mongondow Masa In Tanaa

²⁶ Aka moiko yo diábí motaau natua. Ki ine in moibog mobaḻí moḷoben kon sigad monimu, yo sia in musti mobaḻí bobantungmu.

MATIUS 20:26 ပူးပေါင်းရင်းမြစ်များ

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

MATIUS 20:27

Bo ki ine in moibog moiuna totok kon sigad monimu, yo sia in musti mobaḻí doman bobantungmu.

MATIUS 25:44

Bo mosia in noḻibó kon i-Nia, ‘Tuhan, kon dodaibí in onda inontong nami in ki Tuhan ginogoy andeka noyogang, andeka namangoi saḷaku intau mokokiangoi, andeka diá nogiḷambung andeka notakit, andeka kon bonu in ponjara bo diá inangoi sinompia nami in ki Tuhan?’

MATIUS 27:55

Bo kon tua nobayong doman in bobay inta noindoi nongkon noyayú, mosia tua in bobay mita inta dinumudui kon i Yesus nongkon Galilea sin mobantung kon i-Nia.

MARKUS 10:43

Táe moiko in diábí motaau momia natua! Táe aidai in naa, intau inta moibog mobaḻí moḷoben kon sigad monimu, sia in musti mobaḻí bobantungmu.

MARKUS 10:45

Sin ki Adí Intau deemanbí namangoi sinbá bantungan, táe mamangoibí sin mobantung bo moposarakan in kobiagan-Nea sin mopobebas kon intau mobayong.”

MARKUS 9:35

Dá ki Yesus iḻimitú bo nogoiní kon murí-Nea mopuḷú bodoyowá tatua bo noguman kon i monia, “Intau inta moibog kon muna totok, yo musti in sia moibog kon tumi totok bo moibog mobaḻí bobantung in bayongan intau.”

LUKAS 18:14

“Bá poguman-Ku kon i monimu kon sambayangbí in mononagi kon pajak tanaa in sinarima i Allah, deemanbí sambayang intau in Parisi. Sin ki ine in mosiḷantud, yo sia in poompáanbí, táe ki ine moompá in dodia, yo sia in poḷantudonbí.”

LUKAS 22:26

Táe moiko in diábí motaau natua. Mustibí nanaa, intau inta totok in moḷoben kon sigad monimu in mustipabí mobaḻí ná inta totok mointok, bo itoi in mustibí mobaḻí naonda bo bobantung.

YOHANES 18:36

Ki Yesus in noguman, “Dodatuan-Ku naa in deemanbí nongkon dunia naa. Aka kuma bo dodatuan-Ku naa nongkon dunia naa, dá intau-Ku mita in moramujibí totok sinbá Akuoi in diá posarakan kon pongawasa mita in Yahudi. Táe totuubí kon dodatuan-Ku in deemanbí nongkon dunia naa!”

OUMAN IN RASUL MITA 13:5

Naonda in noiyaput in mosia kon ḻipú in Salamis, mosia in nopotaa-taau mako in pirman i Allah kon bonu in baḷoi mita pososambayangan in intau Yahudi. Kon binayáan monia tatua, ki Yohanes inta dinonoi ki Markus in notuḷung kon i monia.

KORINTUS 2 1:24

Akuoi in diábí momakisa kon i monimu kon soaḷ onu inta musti pirisayaan monimu, sin moiko in totokdon nopirisaya kon i Kristus. Akuoi in tongábí mogaid moyotakin monimu sinbá modugang pia in gina monimu.

TIMOTIUS 2 1:18

Bo kinotaauanmu bidon totok wakutu in akuoi kon Epesus, mobayong totok in totuḷungnea kon inakó. Dá akuoi in tongá tantú mopoigum mako in doa sinbá ki Allah in umuran mobogoi in barakat bo totabi kon inia kon wakutu in singgai ponantúandon i Tuhan kon bayongan intau.

PILEMON 1:13

Sabanarnea ibogonku in kon naapabí in sia saḷaku toḻiumu sin mobantung kon inakó kon dodai in akuoi kon bonupa in ponjara sin nopotaau in Habar Mopia nongkon i Allah.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.