MATIUS 20:25 - Alkitab Singog In Mongondow Masa In Tanaa

²⁵ Táe ki Yesus in nogoiní kon i monia bo noguman, “Indongogaipa in singog-Ku naa aka pomarenta mita in dunia naa inta diá nonotaau kon i Allah nomarenta kon rayatnea takin momakisa totok bo intau mita moḷoben mopobayá in oaidan monia poḷat mondorot doman kon intau mita.

MATIUS 20:25 ပူးပေါင်းရင်းမြစ်များ

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

DANIEL 5:19

Totuu moḷoben in sia, nodapot in intau mita nongkon bayongan in bangusa, inanakan, bahasa, mourot bo moondok kon inia. Aka moibog in sia moḻimod kon intau, ḻimodonneabí doman mako in intau tatua. Aka moibog in sia moposaḷamat kon intau, dá posaḷamatonneabí doman in intau tatua. Sia in mopoḷantud andeka mopoompá kon i ineka podudui in ibognea.

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

MATIUS 20:24

Nokodongogmai kon tua murí-Nea mopuḷú sinumorú kon i nayadua mogutat tatua.

MARKUS 10:42

Dá inoiní i Yesus in mosia komintan bo sinongginaan, “Uḻe kinotaauanbí monimu kon itoi mita in bangusa mita inta diá monotaau kon i Allah in mondorot kon rayatnea. Bo intau mita moḷoben moritak kon i monia.

PETRUS 1 5:3

Bo dikabí in moiko naonda bo pongawasa kon i monia inta pinoki ḷukad kon i monimu, táe moiko in mustibí mobaḻí contoh kon i monia.