MATIUS 20:22 - Alkitab Singog In Mongondow Masa In Tanaa

²² Táe ki Yesus in notubag kon i-Nia, “Diábí kinotaauan monimu, onu in inigum monimu. Degá mokosanggup in moiko in monginum kon palo in roriga inta musti inumon-Ku?” Dá mosia in notubag kon i-Nia, “Mokosanggup in kami”.

MATIUS 20:22 ပူးပေါင်းရင်းမြစ်များ

MAZMUR 75:3

Ki Allah in noguman, “Kon wakutu inta sinantú-Ku, Akuoi in mohakimbí koadilon.

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

YESAYA 51:17

Pobangondon ei Yerusalem, pobangondon! Hukuman inta pinoḷabú i Tuhan popisí in torú-Nea ain pinobayámu nodapot in nopaḷut.

YESAYA 51:22

Naa in guman i Tuhanmu, Ki Tuhan Allahmu inta noduḷu kon i monimu, “Roriga inta inogoi-Ku kon bonu in torú-Ku, in gamáan-Kudon bui nongkon inimu. Torú-Ku in moonowdon, bo moiko in dikadon mobaba kon tua.

YEREMIA 49:12

Intaupa inta diá patus hukumon, in kinotugatan doman in hukuman, yo umpaka dá moiko in diá? Notantú bidon kon moiko in mustibí hukumon!

MATIUS 26:35

Ki Petrus in bui noguman kon i-Nia, “Pakabí Akuoi matoi moyotakin-Mu, yo akuoi in diábí moguman kon deeman murí-Mu!” Murí-Nea doman mita ibanea in noguman doman natua.

MATIUS 26:39

Bo inumuna topiḻik in Sia bodongka sinumungkud nosambayang, kai-Nia, “O Amá-Ku, aka motaau, yo Inggamáaidon in roriga tanion nongkon i Nakó, tongá dikabí dumudui kon ibog-Ku táe aidaidon ná inta kinoibog i Amá.”

MATIUS 26:42

Bo kon induaneadon in Sia minayá nosambayang, kai-Nia, “Amá-Ku, aka roriga tanaa musti kobayáan-Ku, sin diá motaau poyayúon kon i-Nakó, yo aidaidon ná inta koibog-Mu.”

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

MARKUS 14:36

Kai-Nia, “Amá, o Amá, diábí in diá motaau aidan i Amá. Poyayúdon in roriga tanaa kon i-Nakó. Táe deemanbí ibog-Ku in duduian, aidaibí in onu inta koibog i Amá.”

LUKAS 12:50

Oyúonpa in roriga moḷoben in musti kobayáan-Ku. Moajarbí totok in gina-Ku aka tua komintan bo diápa kobayáan-Ku.

LUKAS 22:42

Nanaa in sambayang-Nea, “Amá, aka motaau, yo poyayúdon kon i-Nakó in roriga tanaa inta musti kobayáan-Ku. Táe deemanbí podudui in ibog-Ku, poduduibí kon ibog i Amá tontaní.” [

YOHANES 18:11

Dá ki Yesus in noguman kon i Petrus, “Tungkogdon bui kon gumánea in pitowmu nion! Degá iraimumai kon diábí inumon-Ku in palo in roriga inta inogoi i Amá kon i-Nakó?”

SURAT I PAULUS KON JAMAAT RUM 8:26

Tongá Roho i Allah in mamangoibí motuḷung kon i naton aka kita in moyangkódon. Sin diábí kotaauan naton naonda in pososambayang naton. Rohobí tatua in mayá tumayow kon i Allah bo mopoigum kon bayongan inta inamuimai naton.

YAKOBUS 4:3

Bo umpaka ain noigum in moiko, táe diábí doman mokouḻí in moiko, sin noitaḷá in tujuan pinoigumanmu; sin onu inta inigum monimu tua in tongábí kasanangan monimu tontaní.