MATIUS 20:21 - Alkitab Singog In Mongondow Masa In Tanaa

²¹ Ki Yesus in noḻibó, “Onu iná in koibogmu?” Tubagnea, “Akuoi mopoigum sinbá ki adíku taya dua naa in motaau ḻimitú moyotakin-Mu kon bonu in dodatuan-Mu. Tobatú in kon dotá in koḷanan, bo tobatú in kon dotá in koḷoigi-Mu.”

MATIUS 20:21 ပူးပေါင်းရင်းမြစ်များ

DATU MITA IMITÁNEA 2:19

Dá minayádon in ki Batsyeba kon i datu makusud mopoyosingog intua sin kopontingan i Adonia. Sinimindog in ki datu sin monontomu kon i inánea bo sinumungkud kon inia, bo dongka iḻimitú bui kon ḷoḻitúannea. Onda intua sia nokisadia in ḷoḻitúan kon dotá in koḷanannea sin ḻitúan i inánea.

DATU MITA IMITÁNEA 3:5

Doḷom tua ki Tuhan in nokipogontong kon inia kon bonu in togoindop bo noguman, “Salomo, igumdon onuka in koibogmu, ogoi-Kubí intua kon inimu!”

ESTER 5:3

Bo ki datu in noḻibó, “Nongonu uḻe, Buḷoiku? Onu in koibogmu? Pogumandon! Umpakabí tongo botak in dodatuan ku in igumonmu, yo ogoikubí doman.”

MAZMUR 110:1

Mazmur i Daud. Ki Tuhan in noguman kon i tuangku, “Ḻitúdon kon dotá in koḷanan-Ku, modapot in musungmu mita potungkudon-Ku kon inimu.”

MAZMUR 45:9

Ḷambungmu nobó in taḷong mobondu, gaharu, bo sondana; mopogogitog in musik kon komaḻig nokopia kon ginamu.

YEREMIA 45:5

Nongonu sin iko in moibogbí popoḷontúon? Dika natua, Barukh! Bayongan in intau in hukumon-Kubí in bodito, táe iko, iko in mosaḷamatbí. Kon ondaka in bayáanmu, iko in umuranbí mobiag. Akuoi, ki Tuhan ain nosingog.”

MATIUS 18:1

Kon wakutu intua namangoidon in murí mita i Yesus kon i-Nia bo noḻibó, “Ki inebí degá in moḷobe-ḷoben kon sigad in umat i Allah naa?”

MATIUS 19:28

Guman i Yesus kon i monia, “Popirisayadon: Kon Dunia Mobagu i Allah, Adí Intau in ḻimitúdon kon tampat pomomarentaan-Nea inta momulia. Kon wakutu intua moiko murí-Ku mita in ḻimitú doman kon ḻimonik in mopuḷú bodoyowá in tampat pomomarentaan bo mohakim kon mopuḷú doman bodoyowá nosuku kon Israel!

MATIUS 20:22

Táe ki Yesus in notubag kon i-Nia, “Diábí kinotaauan monimu, onu in inigum monimu. Degá mokosanggup in moiko in monginum kon palo in roriga inta musti inumon-Ku?” Dá mosia in notubag kon i-Nia, “Mokosanggup in kami”.

MATIUS 20:32

Ki Yesus sinumogon bo nogoiní kon i nayadua, bo noḻibó, “Onu in kon ibog aidan-Ku kon i monimu?”

MARKUS 10:51

Iḻibó i Yesus kon inia, “Onu in koibogmu aidan-Ku kon inimu?” Intau bilog tatua in noguman, “Pak Guru, akuoi moibog mokoontong.”

MARKUS 16:19

Naonda in ki Yesus nopaḷut nongonguman monia, Sia sinintakdon minayá in soroga. Kon tua, Sia momarenta takin i Allah.

MARKUS 6:22

Kon rame tatua ki adí bobay i Herodias nomanari bo manarinea tatua nokosanang totok kon gina i Herodes bo kon mokokiangoinea mita. Dá ki Herodes in noḻibó kon adí bobay tatua, “Onu in kon ibogmu, yo igumdon. Ogoikubí kon inimu!”

LUKAS 18:41

“Onu in kon ibogmu aidan-Ku kon inimu?” Intau tatua in notubag, “Tuhan, moibog in akuoi mokoindoi!”

LUKAS 19:11

Kon wakutu in intau mita mokidongogpamai kon i Yesus nongonguman, Sia in nongongumandon kon tobatú poumpamaan. Sin wakutu intua Sia in nodiugdon kon Yerusalem bo kai monia kamai ki Allah in ḷagi bidon momarenta saḷaku Datu kon dunia naa.

LUKAS 22:24

Bo nomukádon bobayowan kon sigad in murí mita i Yesus. Mosia in nobobayowan mongo ki ine in moḷobe-ḷoben kon sigad monia tua.

YOHANES 15:7

Aka moiko bo umuran motobatú takin-Ku bo totundú-Ku in umuran popotonop mako monimu kon gina, yo poigumdon kon i Amá kon onukabí in koibog monimu; dá onu in pinoigummu tua in ogoi-Neabí.

OUMAN IN RASUL MITA 1:6

Mosia inta noyosipun kon tua in noḻibó kon i Yesus, “Tuhan, degá moibogdon in Iko masa in tanaa moposindog bui in dodatuan kon intau Israel?”

SURAT I PAULUS KON JAMAAT RUM 12:10

Utat mita, moiko in musti umuran mototabian tobatú bo tobatú naonda bo mogutat motoḷuadí kon tombonu in baḷoi, bo mosiunaan mohoromat.

SURAT I PAULUS KON JAMAAT RUM 8:34

Oyúon degá in intau moibog mopotaḷá kon i naton? Bain ki Kristus in mobela kon i naton! Siabí tua inta ain minatoi, táe Siabí doman tua inta ain biniag bui nongkon kinopatoian bo kon tampatdon i Allah inta mokawasa.

KOLOSE 3:1

Moiko ain bidon biniag bui noyotakin i Kristus. Tuamai poramujidon in moiko mokouḻí kon soaḷ mita inta kon soroga, kon tampat kon onda in ki Kristus nomarenta noyotakin i Allah.