MATIUS 20:2 - Alkitab Singog In Mongondow Masa In Tanaa

² Naonda in nositantúandon kon tosinggai uboḻianan todinar, pinotabáneadon in mosia tua minayá nogaid kon gobánea.

MATIUS 20:2 ပူးပေါင်းရင်းမြစ်များ

DATU MITA IMITÁNEA 18:12

Aka akuoi mayá nongkon naa, Roho i Tuhan in dika bo modia kon i Amá mayá in tampat inta diá kinotaauanku! Bo aka potaauku kon i Ahab kon ki Amá in kon naa, bo moiduduimai kon tua diá moyodungkuḷnea in ki Amá, yo notantú bidon kon ḻimodonneabí in akuoi. Pokotaaudon, Amá, akuoi naa in totu-totuubí mosumba kon i Tuhan nongkon nointokanpamai!

TAWARIKH 2 34:3

Naonda in waḷudon notaong in nobaḻí datu, kon umur inta totokpa in noguod, ki Yosia in nomangkoidon noibada kon i Allah inta sinumba i Datu Daud mogoguyangnea. Opat notaong noiduduimai nomangkoidon in sia norimumud kon tampat mita pososumbaan kon berhala, patong mita i dewi Asyera, bo berhala mita ibanea.

MOHOHUTUBA 12:1

Toropbí in ki Inta nomaḻí kon inimu kon tungkuḷ in iko nobagupa, kon dodai in diápa moiangoi in taong mita inta mopuḻing in roriga. Kon tungkuḷ intua iko in moguman, “Kobiaganku in diá mokosanang.”

MATIUS 18:28

Tongá naonda in simpaḷnea tatua iḷumuai bo noyodungkuḷ in sia in simpaḷ ibanea inta koboḻi doman kon inia táe tongá pulúan ribu. Dinomok bo binongkugnea in yobayatnea tatua, bo poḷat noguman, ‘Uboḻiai in boḻimu!’

MATIUS 20:1

“Pomomarenta i Allah naonda bo poumpamaan tanaa: Oyúon ki togi gobá, subupa sia aindon iḷumuai bo notayak kon intau mita inta pokiaidan kon gobá in anggurnea.

MATIUS 20:13

Ki tuang tatua in notubag kon tobatú intau inta kon sigad monia tua, ‘Utat, akuoi in diábí nonguboḷ kon inimu. Kita in munadon nositantúan kon tosinggai uboḻian todinar?

MATIUS 20:3

Naonda in degá jam insiowmaidon doḷo-doḷom, sia iḷumuai bui bo nokoontong kon intau ibanea inta tongá maya-mayá mako kon pasar sin diá kooaidan.

MATIUS 20:9

Bo namangoidon in mosia inta nogaid degá mulai jam ḻimamai ḷoḷabungnea, pomuḷoi intau inuboḻian in todinar.

MATIUS 22:19

Yo poontongka kon i-Nakó in doit inta poguboḻi monimu kon pajak tua!” Mosia nopoontong in doit dinar kon i-Nia.

MATIUS 9:37

Dá Sia in noguman kon murí-Nea mita, “Inta koyuton totuu modamaḷ táe mokokoyut in tongá topiḻik.

MARKUS 12:15

Táe kinotaauanbí i Yesus in kinomomunapik monia tua. Dá iḻibó-Nea, “Nongonu sin moiko in moibogbí motayak kon taḷá-Ku? Poontongka kon i-Nakó in tobatú doit saḷaka.”

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

LUKAS 10:35

Nopoikoḷomai kon singgai inogoiannea in doit saḷaka doyowa in kitogi baḷoi pongongandupan tatua bo nongoyow, ‘Tompiapa in sia bo onu in taḷuionmu ponompia kon inia daitonkubí toḻiuan aka mobuidon mangoi in akuoi.’ ”

LUKAS 20:24

“Poontongka kon i-Nakó in tobatú doit saḷaka.” Bo Sia noḻibó, “Gambar bo tangoi i ine in naa?” Dá kain tubag monia, “Gambar bo tangoi i Kaisar!”

TIMOTIUS 2 3:15

Musti umuran toroponmu mako, kon nongkon mointokanpamai iko ain nonotaau kon Buk Motusi. Bo Buk Motusi tatua in nobogoi in pongortian kon inimu, sinbá mokouḻí kon kasaḷamatan inta pinodoyon kon pirisaya kon i Kristus Yesus.

WAHYU 6:6

Bo akuoi in nokodongog kon naonda bo singog inta nomaḷú nongkon yua-yuak in mahaḷuk opat tatua, noguman, “Gandum mopia toliter, pogaidan tosinggai in boḻinea, bo gandum ibanea toḷu noliter, boḻinea in pogaidan doman tosinggai. Táe dika momoguyaat kon pangkoi mita in zaitun bo gobá in anggur!”

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.

SAMUEL 1 2:26

Tongá ki Samuel, adí tatua, in koḷantud-koḷantudon bo kinoibogdon totok i Tuhan bo in bayongan intau.

SAMUEL 1 3:1

Kon dodai intua, ki Samuel inta mongoadípa tua nogundoi kon i Tuhan kon bonu in totundú i Eli. Kon tungkuḷ intua moḷawádon totok in oyúon in koyow bo oontongon nongkon i Tuhan.