MATIUS 20:18 - Alkitab Singog In Mongondow Masa In Tanaa

¹⁸ “Indongogai! Tanaa mako kita mayá in Yerusalem. Kon tua Adí Intau poposarakandon kon imang mita itoi bo kon mototundú mita kon agama. Bo mosia i mopoḷabú in hukuman matoi kon i Adí Intau,

MATIUS 20:18 ပူးပေါင်းရင်းမြစ်များ

MATIUS 10:4

ki Simon intau in Zelot bo ki Yudas Iskariot inta nomaḻidawan kon i Yesus.

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 26:2

“Kinotaauan monimu kon doyowapa nosinggai porayaan kon singgai moḷoben Paska, dá kon wakutudon tua Adí Intau posarakan sin popopakú kon kayu pinoyotaḻempang!”

MATIUS 26:66

Aka podudui in raian monimu yo naonda?” Tubag monia, “Kotaḷá in Sia, musti hukumon modapot in matoi.”

MATIUS 27:1

Naonda in modiugdon mobayag, bayongan imang itoi bo guhanga in ḻipú intau in Yahudi noyosipun bo nonantúdon kon moḻimod kon i Yesus.

LUKAS 22:71

Dá nosingog in mosia komintan, “Diá bidon paraḷu in kita motayak kon sakusi ibanea, sin dinongogdon naton tontaní onu in pinoguman-Nea!”

OUMAN IN RASUL MITA 2:23

Bo pinodudui in tomayá i Allah kon i-Nia, Sia pinosarakan kon imonimu. Sia in pinopopakú monimu kon kayu pinoyotaḻempang bo pinomayá mako in iḻimod in intau mita inta mongoromú.