MATIUS 20:1 - Alkitab Singog In Mongondow Masa In Tanaa

¹ “Pomomarenta i Allah naonda bo poumpamaan tanaa: Oyúon ki togi gobá, subupa sia aindon iḷumuai bo notayak kon intau mita inta pokiaidan kon gobá in anggurnea.

MATIUS 20:1 ပူးပေါင်းရင်းမြစ်များ

MATIUS 13:24

Ki Yesus in bui nongonguman kon i monia, kon tobatú poumpamaan, kai-Nia, “Aka ki Allah momarenta, yo naonda bo intau inta nogambor kon bibit inta mopia kon gobánea.

MATIUS 13:31

Ki Yesus nongonguman bui kon poumpamaan ibanea kon i monia, “Aka ki Allah in momarenta, yo ná umpama batoḷ: In sesawi inta ginamá in intau bo pinomuḷa kon gobánea.

MATIUS 13:33

Onda intua ki Yesus nongonguman doman kon poumpamaan nanaa kon i monia. “Aka ki Allah mamangoi momarenta, yo ná umpama ragi inta ginamá in bobay, bo pinobauk kon topong torigu opat nopuḷú noliter nodapot in kinumutad komintan!”

MATIUS 13:47

“Natua doman, aka ki Allah momarenta yo naonda bo landará inta binukayad kon danow, bo nokosipun kon norupa-rupamai in toyá.

MATIUS 20:2

Naonda in nositantúandon kon tosinggai uboḻianan todinar, pinotabáneadon in mosia tua minayá nogaid kon gobánea.

MATIUS 21:28

“Aka podudui in raianmu yo naonda in ouman tanaa: Oyúon intau kogadí kon doyowa tumpaḷa ḷoḷaki; Sia minayá bo noguman kon adí guya-guyang, ‘Uḻe bayápa kon gobá in anggur bo pogaid singgai naa.’

MATIUS 22:2

“Aka ki Allah in momarenta, yo naonda bo poumpamaan tanaa: Tobatú datu inta nogaid kon rame sin ponikaan i adínea.

MATIUS 23:37

“Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

MATIUS 25:1

“Kon wakutu in koangoian i Allah saḷaku Datu, in naonda bo poumpamaan tanaa: Mopuḷú in mongodeaga nogamá kon togá, monia bo nonontomu kon nonikaan ḷoḷaki.

MATIUS 25:14

“Aka ki Allah mamangoi saḷaku Datu, yo kaadaannea in naonda bo intau inta moibog mayá in ḻipú ibanea. Sia in nogoiní kon simpaḷnea mita bo nosilai kon kapunyaannea sin pinoki ḷukad.

MATIUS 3:2

“Pogogaidon mogaid kon dosamu mita, sin diádon moonggot bo mamangoi in ki Allah momarenta saḷaku Datu!”

MARKUS 13:34

Kaadaannea in ibarat tobatú intau inta nonaḷámai kon baḷoinea bo minayá in tampat moyayú. Sia nopotabá in bobantungnea mita noḷukad kon baḷoinea bodongka nosilai kon oaidan kon i monia kon batúannea. Bo sia in nongoyow kon intau inta pinoki ḷukadan in ngara sinbá umuran moḷukad mokopopia.

YOHANES 15:1

Ki Yesus in noguman bui, “Akuoi in pangkoi in anggur inta mopia, bo ki Amá-Ku in monononggobánea.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.