MATIUS 2:20 - Alkitab Singog In Mongondow Masa In Tanaa

²⁰ “Pobangondon, gamádon Adí tatua bo dia takin ki iná-Nea bo bayádon kon butá in Israel, sin mosia inta moḻimod kon Adí tatua, ain minatoi.”

MATIUS 2:20 ပူးပေါင်းရင်းမြစ်များ

DATU MITA IMITÁNEA 11:21

Naonda in ki Hadad nokouḻí kon habar kon ki Datu Daud in minatoidon, bo ki Yoab, tongguḷu totok in tontara in parang in Israel in minatoi domandon, dá nogumandon in ki Hadad kon i datu in Mesir, “Ogoipa in akuoi mobui kon butáku.”

DATU MITA IMITÁNEA 11:40

Naonda in habar tatua noiyaput kon i Salomo, noḷongasidon in sia moḻimod kon i Yerobeam. Táe noḷagui in ki Yerobeam minayá kon i Datu Sisak kon Mesir, bo nogutun kon tua nodapot in ki Salomo minatoi.

IḶUAIAN 4:19

Kon tungkuḷ in ki Musa kon butápa in Midian, ki Tuhan noguman kon inia, “Pobuidon kon Mesir. Bayongan intau inta moibog moḻimod kon inimu minatoidon komintan.”

MATIUS 2:13

Naonda intau mita in Mayusi minayádon, malaekat i Tuhan nokipogontong kon i Yusup kon bonu in togoindop bo noguman: “Pobangondon iko bo gamádon in Adí tatua takin ki iná-Nea bo dia, poḷaguidon kon butá in Mesir bo pogutunpa kon tua modapot in Akuoi bui mosingog kon inimu, sin ki Herodes moḷongasi motayak kon adí tatua bo ḻimodon”.

MATIUS 2:19

Naonda in ki Herodes minatoi, malaekat i Tuhan namangoidon bui nokipogontong kon i Yusup kon bonu in togoindop, bo noguman,

MATIUS 2:21

Dá ki Yusup in nobangon domandon, ginamánea in Adí tatua bo dinianea takin ki iná-Nea bo minayá kon butá in Israel.