MATIUS 2:19 - Alkitab Singog In Mongondow Masa In Tanaa

¹⁹ Naonda in ki Herodes minatoi, malaekat i Tuhan namangoidon bui nokipogontong kon i Yusup kon bonu in togoindop, bo noguman,

MATIUS 2:19 ပူးပေါင်းရင်းမြစ်များ

MAZMUR 139:7

Kon onda in bayáanku sinbá moisimparut kon kawasa-Mu? Kon onda in motaau poḷaguianku yumayú kon tayowon-Mu?

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YEREMIA 30:10

Umat-Ku Israel, dikadon moondok! Mogogundoi-Ku Yakub, dika mourot! Moiko bo buímu in posaḷamaton-Kubí nongkon butá moyayú, tampat pinodakopan kon i monimu. Moiko in mobuibí bo mogutun kon butámu takin moaman. Moiko in mobiagbí motomoman; diá bidon in koondok monimu.

YEHEZKIEL 11:16

Tuamai, potaaudon in koyow-Ku tanaa kon yobayatmu mita kon pinoḷumbúan, kon Akuoibí in inta nodia kon i monia kinoyayú kon sigad in bangusa mita bo noporarit kon i monia kon butá mita tatua. Tongá kon dodai in mosia kon tuapa, Akuoi in kotaki-takinbí monia.

DANIEL 11:45

Noidapotbí in sia moposindog in ḷoḷaigan in dodatuannea kon sigad in dagat bo buḷud tampat in Baḷoi Tuhan. Táe onda intua matoi in sia bo diábí tobatúmai in intau in motuḷung kon inia.”

DANIEL 8:25

Popisí in sia moakaḷ, uboḷnea mita in mobaḻíbí. Sia in ḷumoḷatúbí, bo diábí in sia muna mobogoi in tompoingat momutú in sia kon mobayong in intau. Nodapotbí in sia mokobaḻí in monayow kon i Datu Inta Totok in moḷoben. Táe sia in rimumudonbí deemanbí mopomaké in ropot in intau.

MATIUS 1:20

Tongá kon wakutu in sia koyogot nopomiki-mikirmai kon makusudnea tatua, malaekat i Tuhan namangoi kon inia kon bonu in togoindop bo noguman: “Yusup, buí i Daud, donaaibí moondok iko motonibuḷoi takin i Maria, sin adí inta kon bonupa in siannea tua in nobaḻí sin kawasabí in Roho i Allah.

MATIUS 2:20

“Pobangondon, gamádon Adí tatua bo dia takin ki iná-Nea bo bayádon kon butá in Israel, sin mosia inta moḻimod kon Adí tatua, ain minatoi.”

MATIUS 2:22

Táe naonda in dinongognea kon ki Arkelaus in nobaḻí datu kon Yudea nomaḷui kon i Herodes ki amánea, noondok in sia in mayá intua. Táe malaekat in bui noguman kon inia kon togoindop, dá ki Yusup minayá in Galilea.

MATIUS 27:19

Wakutu in ki Pilatus ḻimitúpa mako kon baḷoi pongadilan, ki buḷoinea nongoyow kon inia, “Donaai iko dumugang kon pelekara in intau mopia tanion, sin lantaran Sia yo akuoi in sinumogoindop kon diá mopia in kogobíi.”

OUMAN IN RASUL MITA 5:19

Táe nodoḷom monag, tobatú malaekat i Tuhan nomukat kon ḷoḻingkop mita in ponjara tatua bodongka nodia kon i monia iḷumuai. Malaekat tatua in noguman kon rasul mita tatua,