MATIUS 2:18 - Alkitab Singog In Mongondow Masa In Tanaa

¹⁸ “Kinodongogandon in tombá kon Rama, ombaḷ bo amui inta totok mokokuyang; ki Rahel mongombaḷmai kon i adínea mita, bo sia in doí dondouḷugan, sin ki adínea mita in diá don.”

MATIUS 2:18 ပူးပေါင်းရင်းမြစ်များ

KINOBAḺIAN 37:30

Sia in minayá kon i utatnea mita bo noguman, “Diá bidon kon tua in adí tatua! Onu in pomiaanku in tanaa?”

KINOBAḺIAN 42:36

Bo ki amá monia in nosingogdon, “Moiko ain nokopopisí kon akuoi in kinobuḻiandon i adíku mita. Ki Yusup in diádon; ki Simeon diádon; bo tanaa moiko in mogamá domandon kon i Benyamin. Moiḻiudon totok in rorigaku!”

AYUB 14:10

Táe aka intau in matoi, modaitdon in oumannea; sia in monaḷámai kon dunia, bo kon onda in bayáannea?

YEREMIA 31:15

Ki Tuhan in noguman, “Kon Rama kinodongogan in ombaḷ, bo amui inta takindon in ajar in gina. Ki Rahel in nongombaḷ kon i adínea mita, sia in doíbí ḻipoion sin diádon in mosia.

YEREMIA 4:31

Akuoi in nokodongog kon ombaḷ mopoina-inak naonda bo bobay inta mononggadí; naonda bo bobay moguod inta monononggadí ḻinggané, natua in ombaḷ in Yerusalem inta mosisí in pogoginanea. Ḻimanea in mongokap bo mogamui in sia, “Moboditodon in akuoi – akuoi in ḻimodon in musung!”

YEHEZKIEL 2:10

inta pinaisan kon posiḷosi. Bo binukánea in ḻitodan tatua bo kon tua noipais in ombaḷ, amui bo ongot.

MATIUS 2:17

Tua in nobaḻí sinbá motompodon singog i Tuhan inta pinoyaput i Nabi Yeremia, nanaa:

LUKAS 8:52

Totokdon in ombaḷan bo amuian monia in adí tatua, táe ki Yesus in noguman kon i monia, “Dikadon mongombaḷ in moiko sin adí tatua in diábí minatoi tongábí nosiug!”

WAHYU 8:13

Bo akuoi in nokoontong bo nokodongog kon ḷagapan boniá tobatú inta iḷumayug noḷantud nomaḷú nanaa: “Mobodito! Mobodito! Moboditodon in bayongan intau kon dunia naa aka mokodongogdon kon malaekat taya toḷu ibanea in mogirup kon torompetnea!”