MATIUS 2:11 - Alkitab Singog In Mongondow Masa In Tanaa

¹¹ Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.

MATIUS 2:11 ပူးပေါင်းရင်းမြစ်များ

KINOBAḺIAN 43:11

Dá ki amá monia in noguman, “Aka totuu kon natuabí, dá podiadon kon boyó inta totok in mopira kon butá naton naa, bonudon kon karong monimu baḻíon tombuinag kon i gubernur tatua: Taḷong, biluk, pododungú mita, bungai in boyaau bo bungai in badam.

DATU MITA IMITÁNEA 10:10

Onda intua ki datu bobay nongkon butá in Syeba nobogoi kon i Salomo in tombuinag mita inta dinianea, inta noiḻiu kon 4.000 nokilo in buḷawan bo batu permata inta mobarong doman takin touḷut mita inta mongo bo mongobondu. Diá bidon kon dodai in onda in ki Salomo notarima kon touḷut mita mongo bo mongobondu inta námai tua in kobayong ná inta inogoi i datu bobay inta nongkon butá in Syeba tatua kon inia. (

DATU MITA IMITÁNEA 10:2

Namangoi in sia kotaki-takin in intaunea inta mobayong bo unta mita inta dinatogan in touḷut mita inta mongo bo mongobondu, batu permata, bo buḷawan inta mobarong totok. Kon dodai in noyodungkuḷ i Salomo, ki datu bobay tatua in nopoyaput in tangkí inta noyagi-yagimai onu in kotoropannea.

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

MAZMUR 45:8

Iko in moibog in inta mobanar bo mondoí kon inta moraat; tuamai, ki Allah, Allahmu ain nomiḻí kon inimu, bo nopoḷunganga kon inimu noiḻiu kon datu mita ibanea.

MAZMUR 72:10

Datu mita in Tarsis bo ḻibuton mita in modiabí kon sosumba kon inia. Datu mita in Arab bo in Etiopia in mamangoi modia kon iba.

MAZMUR 72:15

Mobiagdon in ki Tuang datu! Igumon mako kon inia ogoian in sosumba buḷawan nongkon Arab. Igumon mako sia in sambayangan pomuḷoi mako bo umuran barakatan.

MAZMUR 95:6

Koḻigai in kita dumokó mosumba kon i-Nia, tumungkud kon tayowon i Tuhan, inta nomaḻí kon inaton.

IḶUAIAN 30:23

“Pogamádon kon pododungú mita inta totok in mopia, onom nokilo in taḷong inta notontubig, toḷu nokilo in kayu manis, toḷu nokilo in túan mobondu, bo onom nokilo in kayu teja.

IḶUAIAN 30:34

Ki Tuhan noguman kon i Musa, “Pogamádon kon tongonumai norupa in pododungú inta kobayongnea notongkai, inta puḷut in taḷong, kuḻit in ḷungká, puḷut in rasamala bo dupa inta mopia totok.

DONDONG MOḶANTUD 3:6

Onu degá intua inta namangoi nongkon padang gurun, naonda bo poyok nosipun? Kobondunea in naonda bo taḷong mobondu bo kamania, bo pupur mita mobondu nongkon mopopotaḷui.

YESAYA 60:6

Butámu in posipunandon in unta mobayong, mosia in mamangoi nongkon Midian bo Epa. Nongkon Syeba intau modia kon buḷawan bo kamania, sindaḷan modayow kon aid i Tuhan.

IMAMAT 6:15

Sia in musti mogamá kon toyoyangkom in topong moaḷus takin ḷana bo bayongan in kamanianea, bodongka motubá kon tudu in mezbah mobaḻí tompoingat kon bayongan kuruban tatua pinosumba kon i Tuhan. Rongingi in kuruban tatua mokosanang kon gina i Tuhan.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

MATIUS 1:18

Nanaa in ouman kinolahiran i Yesus Kristus: Kon wakutu in ki Maria ki iná-Nea bagupa kinantangan i Yusup, mangaḻenea taya dua naa diápabí notonibuḷoi, táe naanta ki Maria ain bidon sidia. Tongá adí inta kon siannea tua in nobaḻí lantaran kawasa in Roho i Allah.

MATIUS 12:46

Wakutu in ki Yesus koyogotpa moyosingog takin intau moantó tatua, ki iná bo ki utat-Nea mita ain sinimindog kon ḷuai bo moḷongasi mokipodungkuḷ kon i-Nia.

MATIUS 14:33

Intau mita inta kon bonu in uangga nosumba kon i-Nia. Kai monia, “Totu-totuu kon Iko naa in ki Adíbí i Allah.”

MATIUS 2:2

Bo mosia noḻibó magí-mako: “Kon onda degá in Sia, datu intau Yahudi inta bagu pinononggadí tua? Kami aindon nokoontong kon tundi-Nea kon dotá in Timur, bo kami naa mamangoi sin mosumba kon i-Nia.”

LUKAS 2:16

Dodaipa doman tatua mosia minayá nokipodungkuḷ kon i Maria bo kon i Yusup takin adí mointok inta pinouḻid mako kon bonu in duḷang.

LUKAS 2:38

Bo kon dodai intua sia in namangoi doman, bo nodayow kon i Allah bo noginsilang kon intau mita inta mogoḷat mako kon wakutu koangoian i Tuhan moposaḷamat kon Yerusalem. Pinogumannea mongo ki ine in Adí tatua.

YOHANES 19:39

Ki Nikodemus inta nokoimontandon in namangoi kon i Yesus doḷom, minayá doman noyotakin i Yusup. Ki Nikodemus in nodia doman kon ramuan taḷong mobondu bo gaharu degá toḷumai nopuḷú nokilo in kobayongnea.

WAHYU 19:10

Dá sinumungkud in akuoi kon tayowonnea sin mosumba kon inia, táe sia in noguman kon inakó, “Donaai! Donaai mosumba kon inakó, sumbadon in ki Allah! Sin akuoi naa in tongábí doman bobantung ná iko nion bo notongkai doman i utatmu mita inta umuran kinumadai norigon kon onu inta pinoguman i Yesus!” Sin onu inta pinoguman i Yesus, tuatabí inta nopogonú kon gina in intau mita inta nopotaau in koyow i Allah.

WAHYU 5:8

Koyogot in ki Adí in Domba tatua nogabat kon ḻitodan in buk tatua, sinumungkudon in mahaḷuk opat tatua takin itoi mita doyowa nopuḷú bo opat kon tayowon-Nea. Mosia notukid in kecapi bo palo buḷawan inta binonuan in kamania, tuata in sambayang mita in umat i Allah.

SAMUEL 1 10:27

Táe tongonumai in intau moraat noguman, “Umpaka yo intau tanaa oyúon in mangaḻenea kon inaton?” Mosia mopoonagmai kon i Saul bo diá nobogoi in tombuinag kon inia. Táe tongábí in sia ki ubo uboḷmai diá nonotaau kon tua.