MATIUS 19:9 - Alkitab Singog In Mongondow Masa In Tanaa

⁹ Táe bá poguman-Ku kon i monimu: Ki ine in mogaat kon i buḷoinea koḻikudnea bo sia nokituaḻing, bo bui mobuḷoi kon bobay ibanea, yo sia in nonuaḻing doman.”

MATIUS 19:9 ပူးပေါင်းရင်းမြစ်များ

KINOBAḺIAN 20:3

Kon doḷom tobatú ki Allah nokipogontong kon i datu tatua kon bonu in togoindop, bo noguman, “Iko in matoi, popisí in ginamámudon in bobay tatua; sin sia ain bidon kobuḷoi.”

TAWARIKH 2 21:11

Nodapotbí in sia noposindog in tampat mita pososumbaan kon berhala kon butá in buḷud in Yohuda, bo nokopopisí kon rayat in Yohuda bo Yerusalem binaradosa kon i Tuhan.

YEREMIA 3:1

Ki Tuhan in noguman, “Aka buḷoi bobay gaaton i buḷoinea ḷoḷaki, bo bobay tatua in mobaḻídon ki buḷoi in intau ibanea, dá ki buḷoinea dungkuḷ in diá bidon motaau mogamá bui kon inia mobaḻí buḷoi, sin aid natua in mokogoguyaatbí kon butá tanaa. Iko Israel, in nobayongdon totok in ki buḷoimu, umpaka yo tanaa iko in moibog bui mamangoi kon i-Nakó!

YEHEZKIEL 16:15

Táe noitaḷá in pinododiamu kon koḷoḷunatmu takin kopia in tangoimu. Iko in nosiug takin ki inedon in ḷoḷaki inta moitaḻib.

YEHEZKIEL 16:29

Bo nobaḻí in iko sundaḷ kon intau in Babel, bangusa mododagang tua. Táe mosia in diá doman nokopoorop kon ibogmu.”

MATIUS 19:10

Murí-Nea mita in noguman kon i-Nia, “Aka natua in doyowa motonibuḷoi yo maníka bo diá mobuḷoi.”

MATIUS 19:8

Ki Yesus in notubag kon i monia nanaa: “Tua in popisíbí in moiko doí mokidongog, dá ki Musa nobogoi in kasampatan kon i monimu mogaat kon i buḷoi monimu, táe sabanarnea in deemanbí natua nongkon pinomangkoianmai.

MATIUS 5:32

Táe Akuoi in moguman kon inimu: Pomuḷoi intau inta mogaat kon i buḷoinea koḻikudbí in nonuaḻing, yo siabí tua in nokopopisí kon i buḷoinea nonuaḻing, bo ki ine i motonibuḷoi takin bobay inta ain ginaat tua, yo sia doman noyotakin nonuaḻing.”

LUKAS 16:18

Pomuḷoi in intau inta mogaat kon i buḷoinea bobay bo bui mobuḷoi kon bobay ibanea, yo sia in nonuaḻing; bo ki ine in motonibuḷoi takin bobay tatua inta ain ginaat i buḷoinea ḷoḷaki, yo sia in nonuaḻingbí doman.”

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!

KORINTUS 1 7:39

Bobay inta ain nokipobuḷoi notobatúdon i buḷoinea ḷoḷaki komangoi in nobiagpa in ki buḷoinea tua. Táe aka matoidon in ki buḷoinea tatua, dá bobay tatua in mobebasbí in mokipobuḷoi bui kon intau inta kinoibognea; asaḷ tonibuḷoi tatua in tonibuḷoi Keresten.

KORINTUS 1 7:4

Buḷoi bobay in diábí motaau in mongawasa kon awaknea tontaní; sin awaknea tatua in kon bonubí in kawasa i buḷoinea ḷoḷaki. Natua doman in ki buḷoinea ḷoḷaki in diábí doman motaau mongawasa kon awaknea tontaní; sin ki buḷoineabí in mongawasa kon awaknea tatua.