MATIUS 19:7 - Alkitab Singog In Mongondow Masa In Tanaa

⁷ Dá mosia in noḻibó bui kon i-Nia, “Aka natua, yo nongonu sin ki Musa in nomarentabí kon mobogoi in surat talak aka intau mogaat kon i buḷoinea?”

MATIUS 19:7 ပူးပေါင်းရင်းမြစ်များ

YESAYA 50:1

Ki Tuhan in noguman kon Israel, “Ei umat-Ku, kainimu kamai Akuoi in mopoguntunbí kon inimu naonda bo buḷoi ḷoḷaki mopoguntun kon i buḷoinea bobay? Aka natua, yo kon onda in surat gogaatannea? Kainimu kamai Akuoi in mopotaḷui kon inimu, naonda bo guyanga ḷoḷaki nopotaḷui kon i adínea kon intau inta mamangoi moigum kon boḻi? Deeman! Iko in dinakop bo iḷumbú, popisí in dosa bo aid moraatmu tontaní!

MALEAKHI 2:16

“Kodoí-Kubí in gogaatan,” guman i Tuhan Allah in Israel. “Kodoí-Kubí aka tobatú kon sigad monimu in mogaid kon ná tatua in koḻingánea kon i buḷoinea bobay. Dá ḷukadaidon in awakmu bo dika mokoimontanmai in momaḻidawan kon i buḷoimu.”

MATIUS 1:19

Táe ki Yusup ki buḷoinea naa in intaubí inta motuḻid in gina dá doíbí in sia moporaatmai kon tangoi buḷoinea kon tayowon intau moantó sahingga naonda in nokotaaumai kon natua, niatonnea gaaton in ki Maria táe diábí potaa-taaunea mako kon intau mita ibanea.

MATIUS 19:6

Bo mosia tua in deeman bidon doyowa, táe tobatú bidon. Tuamai onu inta ain sinobatú i Allah diá bidon motaau poyogaaton in intau.”

MATIUS 19:8

Ki Yesus in notubag kon i monia nanaa: “Tua in popisíbí in moiko doí mokidongog, dá ki Musa nobogoi in kasampatan kon i monimu mogaat kon i buḷoi monimu, táe sabanarnea in deemanbí natua nongkon pinomangkoianmai.

MATIUS 5:31

“Ki Musa ain nomais nanaa: ki ine in mogaat kon i buḷoinea bobay musti mobogoi in surat talak kon i buḷoinea tua.

MARKUS 10:4

Dá kai monia doman, “Ki Musa nobogoi in kasampatan kon intau mogaat kon i buḷoinea, táe musti oyúon in surat talak.”