MATIUS 19:4 - Alkitab Singog In Mongondow Masa In Tanaa

⁴ Ki Yesus in noḻibó bui kon i monia, “Degá diápa binaca monimu, kon Sia in nogaid kon intau ḷoḷaki bo bobay nongkon pinomangkoianmai?

MATIUS 19:4 ပူးပေါင်းရင်းမြစ်များ

KINOBAḺIAN 1:27

Natuata in ki Allah nomia kon intau, pinomia-Nea in mosia naonda bo batangan-Nea tontaní. Pinomia-Nea in mosia ḷoḷaki bo bobay.

KINOBAḺIAN 2:18

Bo ki Tuhan Allah in noguman, “Diábí mopia intau aka mobiag tongá sia-sia mita. Pomiaan-Kudon kon yobayatnea inta motombuḷoi sinbá motaau motuḷung kon inia.”

KINOBAḺIAN 2:23

Dá intau tatua in nogumandon nanaa, “Naa in sia, intau inta notongkaiku – tuḷan nongkon tuḷanku, bo tapú nongkon tapúku. Tangoianku in sia bobay, sin sia in ginamá nongkon ḷoḷaki.”

KINOBAḺIAN 5:2

Pinomia-Nea in mosia ḷoḷaki bo bobay. Binarakatan-Nea in mosia bo sinangoian “Intau”.]

TAWARIKH 2 24:3

Ki Yoyada in nomiḻí kon bobay doyowa sin baḻíon ki buḷoi i Yoas, bo nongkon inayadua tua ki Yoas in nokouḻí kon adí mita ḷoḷaki bo bobay.

MALEAKHI 2:15

Kinotaauan monimu kon ki Allah Inta Totobatú tua noponobatúdon kon awak bo jiwa takin bobay tatua? Onu degá in makusud i Tuhan kon tua? Tongábí bá moiko in mokouḻí kon adí mita inta mobaḻí umat i Allah inta mopia. Dá ḷukadaibí in awakmu, dika modapot in oyúon in kon sigad monimu inta diá mosatia kon i buḷoinea bobay.

MATIUS 12:3

Táe ki Yesus in notubag, “Degá diápa kinobacaan monimu onu inta inaidan i Daud bo in intau inta dinumudui kon inia wakutu in mosia ginogoy?

MATIUS 21:42

Ki Yesus in noḻibó kon i monia, “Diápa kon dodai in onda degá in moiko nokobaca kon bonu in Buk Motusi inta pinais nanaa? ‘Batu inta iḷumbú in mogogaid mita kon bangunan ain nobaḻí batu inta baraguna totok. Oaidan mita inta mokoherang kon mata naton tatua; aindon inaidan i Tuhan!’ ”

MATIUS 21:6

Bo minayádon in murí-Nea taya dua tatua bo nogaid kon ná inta aindon pinoki aid i Yesus kon i monia.

MATIUS 22:31

Diápa degá kinobacaan monimu onu inta pinoguman i Allah soaḷ intau minatoi inta biniag bui? Ki Allah in noguman nanaa,

MARKUS 12:10

Bo tantú kinobacaan bidon monimu in tontagá tanaa kon bonu in Buk Motusi, ‘Batu inta diá pinaké in mogogaid kon bangunan nobaḻídon batu inta totok in moponting.

MARKUS 12:26

Bo soaḷ intau minatoi mobiag bui, degá diápa kinobacaan monimu kon bonu in buk i Musa soaḷ díat inta nodokot tua? Kon bonu in tontagá mita tatua pinais kon ki Allah in noguman kon i Musa, ‘Akuoibí naa in ki Allah i Abraham, i Ishak bo i Yakub.’

MARKUS 2:25

Dá tubag doman i Yesus kon i monia, “Degá diápa kinobacaan monimu onu in inaidan i Daud, wakutu in ki Abyatar nobaḻí imang moḷoben. Wakutu in ki Daud bo dumoduduinea mita ginogoy bo diá kokaa-kaanon, sia in sinumuot kon Baḷoi Tuhan, bo nokaan kon roti inta ain pinosumba kon i Allah. Bo inogoiannea doman in roti tatua in dumoduduinea mita. Bokaka aka podudui in agama naton, yo tongábí imang in motaau mokaan kon roti tatua.”

LUKAS 10:26

Ki Yesus in bui noḻibó kon inia, “Onu in pinais kon hukum i Musa? Podudui in raianmu, naonda intua?”

LUKAS 6:3

Dá ki Yesus in noguman nanaa kon i monia, “Degá diápa dodai onda in kinobacaan monimu onu inta inaidan i Daud wakutu in sia bo dumoduduinea mita ginogoy?