MATIUS 19:28 - Alkitab Singog In Mongondow Masa In Tanaa

²⁸ Guman i Yesus kon i monia, “Popirisayadon: Kon Dunia Mobagu i Allah, Adí Intau in ḻimitúdon kon tampat pomomarentaan-Nea inta momulia. Kon wakutu intua moiko murí-Ku mita in ḻimitú doman kon ḻimonik in mopuḷú bodoyowá in tampat pomomarentaan bo mohakim kon mopuḷú doman bodoyowá nosuku kon Israel!

MATIUS 19:28 ပူးပေါင်းရင်းမြစ်များ

DATU MITA IMITÁNEA 18:31

Nogamá in sia kon batu mopuḷú bodoyowá, batu tobatú mobaḻí toḻiu in suku doman tobatú inta buí i Yakub, intau mita inta ain sinangoi Israel i Tuhan.

TAWARIKH 2 9:19

Kon popodnea koḷoigi bo koḷanan kon batúan in tukad in kadera tatua oyúon in patong in singa – kobayongnea komintan in mopoḷú bodoyowá. Diábí kon dodai in onda in oyúon in kadera ná tatua in kon dodatuan ondaka.

EZRA 6:17

Kon pinonoguḷapatan tatua mosia in noposumba kon i Tuhan in sapi koḷakian 100, domba koḷakian 200 bo ki adí in domba 400. Bo inta pinaké kon kuruban pinongampungan kon dosa, pinosumba in mopuḷú bo doyowa in bembé koḷakian, bembé tobatú in kon batúan in suku Israel.

IḶUAIAN 15:27

Nopaḷut mako kon tua mosia nodapotdon in tampat inta tangoinea Elim. Kon tua oyúon in bokaká mopuḷú bodoyowá takin pitu nopuḷú in pangkoi in kurma. Mosia in nogaid kon ḷoḷaigan kon diug in tubig tatua.

IḶUAIAN 24:4

Nopaḷut mako kon tua komintandon pinais i Musa in parenta i Tuhan tatua. Nobangon monik doḷo-doḷom, pinosindognea in mezbah tobatú takin tugu mopuḷú bodoyowá kon sioḷ in buḷud tatua; Tugu tobatú nobaḻí doman toḻiu in suku Israel tobatú.

IḶUAIAN 28:21

Kon batúan in permata musti popokurig in tangoi tobatú nongkon sigad i adí Yakub inta mopuḷú bo doyowa nobaḻí tompoingat kon suku mita Israel.

YESAYA 65:17

Ki Tuhan in noguman, “Akuoi in momiabí kon ḷangit inta mobagu bo butá inta mobagu. Onu inta nobaḻí mita koḻipod in koḻionganbí bo diá bidon toropon bui.

YESAYA 66:22

Ná ḷangit mobagu bo butá mobagu in monahangbí popisí in kawasa-Ku, natua doman in buímu bo tangoimu in umuranbí oyúon.

IMAMAT 24:5

Pogamádon kon topong inta totok in mopia mopuḷú bodoyowá nokilo in kobayongnea bo pomiadon kon roti noḻimbung mopuḷú doman bodoyowá, pomia tumongo kilo komintan.

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

MATIUS 19:27

Bo ki Petrus in noguman kon i Yesus, “Kami naa aindon nonaḷámai kon bayongan inta oyúon kon inami bo dinumudui kon ini-Mu. Yo onu degá in mouḻí nami?”

MATIUS 20:21

Ki Yesus in noḻibó, “Onu iná in koibogmu?” Tubagnea, “Akuoi mopoigum sinbá ki adíku taya dua naa in motaau ḻimitú moyotakin-Mu kon bonu in dodatuan-Mu. Tobatú in kon dotá in koḷanan, bo tobatú in kon dotá in koḷoigi-Mu.”

MATIUS 25:31

“Aka ki Adí Intau mamangoi saḷaku Datu bo sinakinan in malaekat mita, yo Sia in ḻimitú kon tampat pomarentaan-Nea.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

MARKUS 10:37

Tubag monia, “Kami in moibog ḻimitú kon dotá in koḷanan bo koḷoigi i Amá, aka ki Amá mamangoidon momarenta takin kamuliaan.”

OUMAN IN RASUL MITA 3:21

Sia in mustipabí mogutun kon soroga modapot in ki Allah monoimbagu kon bayongan yagi-yagi ná inta ain pinoguman-Nea kon nabi-Nea mita tungkuḷ intua.

TIMOTIUS 2 2:12

Aka kita bo motaba, yo kita in moyotakin-Neabí doman momarenta. Aka diá akuon naton in Sia, yo diábí doman akúon-Nea in kita.

YOSUA 3:12

Tanaa in pomiḻídon in moiko kon intau mopuḷú bodoyowá – tumongobatú in kon tongosuku in bangusa Israel.

PETRUS 2 3:13

Táe kita in umuranbí mogoḷat mako kon dandi i Allah. Dandi i Allah tua in soaḷbí ḷangit bo butá inta mobagu inta motompia bo moadil.

WAHYU 11:16

Dá itoi inta doyowa nopuḷú bo opat inta iḻimitú kon tampat pomomarentaan monia kon tayowon i Allah in sinumungkudon mita bo nosumba kon i Allah.

WAHYU 12:1

Bo kinoontongandon kon ḷangit in tobatú tanda mokoherang inta totok in motoyang. Tobatú bobay inta nopogiḷambung mata in singgai, simindog mako kon tudu in buḷan. Kon uḷunea oyúon in bandow inta pinopobandangan in tundi mopuḷú bodoyowá.

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.

WAHYU 21:5

Bo Sia inta iḻimitú kon tampat pomomarentaan tatua in noguman, “Tanaa komintandon binaḻí-Ku mobagu!” Sia in noguman doman kon inakó, “Paisdon in naa, sin singog mita tanaa in totuubí bo motaaubí pirisayaan.”

WAHYU 22:2

inta kon yua-yuak in kotá tatua. Kon bingkí posiḷosi in ongkag tatua oyúon in pangkoi mita in kobiagan inta nomungai kopuḷú bodoyowá in totaong, tobuḷan komintan. Daunnea pinaké nongundam kon bangusa mita.

WAHYU 22:5

Mosia in diá bidon moparaḷu kon togá andeka bayag mata in singgai, sin diá bidon modoḷo-doḷom in kon tua, bo ki Tuhan Allahbí tontaní in monimbayag kon i monia. Bo mosia in momarentabí saḷaku datu modapot in kopaḷutannea.

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.

WAHYU 4:4

Noiḻibu kon tampat pomomarentaan tatua, oyúon doman doyowa nopuḷú bo opat in tampat pomomarentaan ibanea. Kon tampat mita tatua doyowa doman nopuḷú bo opat in itoi iḻimitú. Mosia in nogiḷambung nobudó bo nomaké in mahkota buḷawan.

WAHYU 7:4

Bo pinotaaudon kon inakó kon mogatut bo opat nopuḷú bo opat noribu in kobayong in intau inta kinompitandon in meterai nongkon i Allah kon pogot monia. Intau mita tatua in ginamá nongkon mopuḷú bodoyowá nosuku in bangusa Israel;