MATIUS 19:24 - Alkitab Singog In Mongondow Masa In Tanaa

²⁴ Sinbá poguman-Ku bui kon i monimu, untabí in mogampa-gampang tumuot mongin bubú in dodagum dika in intau nooyúon tumuot mobaḻí umat i Allah.”

MATIUS 19:24 ပူးပေါင်းရင်းမြစ်များ

YEREMIA 13:23

Motaau degá in intau morondí momaḷui kon kuḻitnea, andeka harimau monginggamá kon baḷangnea? Notantúbí kon diá! Natuabí doman in moiko inta aid moraat noipakédon yo diábí domandon inta mogaid kon inta mopia.

MATIUS 19:25

Naonda in murí-Nea mita nokodongog kon tua, nongoherang mosia bo noḻibó: “Aka natua, yo ki ine in motaau posaḷamaton?”

MATIUS 19:26

Ki Yesus inimindoi kon i monia bo nosingog, “Aka podudui in raian intau yo tua in mororigabí aidan! Táe aka kon i Allah, yo mogampangbí totok intua.”

MATIUS 23:24

Ei moiko itoi mita inta bilog! Yongit in tapison monimu kon oinumon monimu, táe unta inta kon bonunea in ḻiomon monimu!

LUKAS 18:25

Aka poyobandingonmai, yo untapa in mogampa-gampang in tumuot mongin bubú in dodagum dika in intau inta nooyúon mobaḻí umat i Allah.”

YOHANES 3:3

Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

YOHANES 3:5

Ki Yesus in notubag, “Totuubí in singog-Ku tanaa: aka intau bo diá polahiron nongkon tubig bo nongkon Roho i Allah, yo intau tatua in diábí motaau in mobaḻí umat i Allah.

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?