MATIUS 19:23 - Alkitab Singog In Mongondow Masa In Tanaa

²³ Ki Yesus in noguman kon murí-Nea mita, “Poguman-Ku kon i monimu, mororiga totok in intau nooyúon tumuot mobaḻí umat i Allah.

MATIUS 19:23 ပူးပေါင်းရင်းမြစ်များ

AMSAL 11:28

Ki ine in mopongata in kaoyúonan in mototakbí naonda bo dáun noingkag; intau inta mobanar in modugangbí mobayong naonda bo tokat moguod

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MATIUS 18:3

Bo nosingog, “Poguman-Ku kon i monimu! Aka moiko bo diá mogogai mogaid kon moitaḷá bo mobaḻí ná mongoadí tanaa, yo moiko in diábí mobaḻí umat i Allah.

MATIUS 19:22

Naonda in tayowmobiag tatua nokodongog kon singog i Yesus tatua, minayá in sia takin ajar in ginanea, sin totok mobarong in kapunyaannea.

MATIUS 21:31

Yo ki ine in kon sigad nayadua tua in nogaid kon inta kinoibog i amánea?” Tubag monia, “Inta guya-guyang.” “Poguman-Ku kon i monimu: Intau inta mononagi kon pajak bo bobay mita inta sundaḷ in moiuna kon i monimu tumuot mobaḻí anggota in umat i Allah. “Inta induanea,” tubag in imang mita tongguḷunea bo itoi mita in Yahudi tatua.

MATIUS 5:20

Tuamai, Akuoi in mosingog kon inimu: Aka iko bo diá mogaid kon onu inta kinoibog i Allah moiḻiu kon mototundú mita kon agama in Yahudi bo intau mita in Parisi, yo moiko in diábí mobaḻí umat i Allah.”

MARKUS 10:23

Dá nobobui in ki Yesus kon murí-Nea mita bo noguman kon i monia, “Moyoyiga totok in intau nooyúon tumuot mobaḻí umat i Allah!”

LUKAS 18:24

Dá ki Yesus in nobobui kon i monia komintan inta kon tua bo nosingog, “Mororiga totok intau inta kodoit mobaḻí umat i Allah!

YOHANES 3:3

Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

YOHANES 3:5

Ki Yesus in notubag, “Totuubí in singog-Ku tanaa: aka intau bo diá polahiron nongkon tubig bo nongkon Roho i Allah, yo intau tatua in diábí motaau in mobaḻí umat i Allah.

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

KORINTUS 1 1:26

Utat! Toropka bui monimu naonda in kaadaan monimu wakutu inoiní i Allah. Tongábí topiḻik in intau kon sigad monimu in mopandoi, ande oyúon in kawasa, ande koḷoḻitúan moḷantud kon sigad in intau moantó.

YAKOBUS 2:6

Táe moiko ain noningkuḻe kon intau mita inta nobiag nobogá, bokaka intaubí mita inta nooyúon in mondorot bo mogugut kon i monimu pobayá in pongadilan!