MATIUS 19:22 - Alkitab Singog In Mongondow Masa In Tanaa

²² Naonda in tayowmobiag tatua nokodongog kon singog i Yesus tatua, minayá in sia takin ajar in ginanea, sin totok mobarong in kapunyaannea.

MATIUS 19:22 ပူးပေါင်းရင်းမြစ်များ

MAZMUR 17:14

Poḷuatdon in akuoi nongkon intau mita inta nosipun kon kapunyaan kon dunia. Hukumdon in mosia in bodito inta ain sinadia-Mu kon i monia. Pomayádon mako in ki adí bo ki ompu monia hukumon doman.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

MATIUS 14:9

Nokodongogmai kon inta inigum in adí tatua, norobonoḷ totok in gina i Herodes. Táe lantaran sia nongibotdon muna kon tayowon mokokiangoinea mita, dá pinotabáneadon sinbá duduian in onu in pinoigum in adí tatua.

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

MATIUS 19:21

Tubag i Yesus kon inia, “Aka iko bo moibog motompod totok, yo bayádon potaḷui komintan onu inta kon inimu bo silaidon tua komintan kon intau mita inta bogá dá iko in mokouḻídon kon kapunyaan kon soroga, onda intua angoidon kon naa bo dudui kon i-Nakó!”

MATIUS 19:23

Ki Yesus in noguman kon murí-Nea mita, “Poguman-Ku kon i monimu, mororiga totok in intau nooyúon tumuot mobaḻí umat i Allah.

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.

MARKUS 10:22

Nokodongogmai kon singog i Yesus natua, nokecewa in intau tatua, bo sinaḷáanneadon in tampat tatua takin gina mobogat sin nooyúon totok in sia.

MARKUS 6:26

Nokodongogmai kon oigum tatua, norobonoḷ in gina i Herodes. Táe musti tarimaannea intua sin nongibotdon in sia kon tayowon in mokokiangoinea.

LUKAS 18:23

Táe naonda in sia nokodongog kon onu inta pinoguman i Yesus tatua, noajar totok in ginanea sin sia nobiag nooyúon.

YOHANES 16:20

Poguman-Kudon kon i monimu, moiko nion in mongombaḷbí bo mogamui, táe mopiabí in gina in dunia naa. Morobonoḷbí in gina monimu, táe robonoḷ in gina monimu tua in mobaḷuibí ḷunganga in gina.

EPESUS 5:5

Torop in singogku tanaa: intau inta mokotor in oaidnea, andeka inta mogaid kon inta diá patus aidan, andeka ibog inta moiḻiu (aid natua notongkaibí in aid mosumba kon berhala ibanea), dá intau mita natua in diábí baḻíon umat inta pinarentaan i Kristus bo i Allah.

KOLOSE 3:5

Tuamai Inggamáaidon in ibog mita in dunia inta umuran monuyayow kon i monimu, ná oaid inta mokotor, oaid mita inta diá patus aidan, ibog in awak, ibog mita inta moraat, bo ibog mita inta moiḻiu (sin ibog inta moiḻiu tua in notongkaibí in mosumba kon berhala).