MATIUS 19:15 - Alkitab Singog In Mongondow Masa In Tanaa

¹⁵ Bo binarakatan-Neadon in mosia bodongka nobuat nongkon tua.

MATIUS 19:15 ပူးပေါင်းရင်းမြစ်များ

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

MATIUS 19:14

Táe ki Yesus in noguman, “Pomayádon mako in mongoadí mita tanion mamangoi kon i-Nakó! Donaai toko ḷamboian in mosia, sin intau mita inta ná mosia tua in mobaḻí umat i Allah.”

MATIUS 19:16

Oyúon tobatú tayowmobiag namangoi bo noḻibó kon i Yesus, “Pak Guru, degá oaid mopia inta naondapa in aidanku sinbá akuoi mokouḻí kon kobiagan mopia bo mononoi?”

MARKUS 10:16

Nosingog mako kon tua, ki Yesus in nokoyot kon mongoadí mita tatua, onda intua pinoukat-Nea in ḻimanea kon i monia bo nomarakat.

KORINTUS 1 7:14

Tantú ḷoḷaki tatua in motaaubí mobaḻí umat i Allah sin aindon notonibuḷoi takin intau inta ain nobaḻí umat i Allah. Natua doman in buḷoi bobay, tantú motaau bidon doman mobaḻí umat i Allah sin ain notonibuḷoi in intau inta ain nobaḻí umat i Allah. Sin aka diá natua, yo tantú ki adí mita monia in naonda bo ki adí mita in intau inta diá nonotaau kon i Allah, táe aka duduian monimu in tongginaku naa, yo ki adí mita monimu tua in mobaḻí bidon umat i Allah.

TIMOTIUS 2 3:15

Musti umuran toroponmu mako, kon nongkon mointokanpamai iko ain nonotaau kon Buk Motusi. Bo Buk Motusi tatua in nobogoi in pongortian kon inimu, sinbá mokouḻí kon kasaḷamatan inta pinodoyon kon pirisaya kon i Kristus Yesus.