MATIUS 19:14 - Alkitab Singog In Mongondow Masa In Tanaa

¹⁴ Táe ki Yesus in noguman, “Pomayádon mako in mongoadí mita tanion mamangoi kon i-Nakó! Donaai toko ḷamboian in mosia, sin intau mita inta ná mosia tua in mobaḻí umat i Allah.”

MATIUS 19:14 ပူးပေါင်းရင်းမြစ်များ

KINOBAḺIAN 21:4

bo naonda in ki Ishak umurdon waḷu nosinggai, sinoit i Abraham in adí tatua, podudui in parenta i Allah.

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

MATIUS 18:3

Bo nosingog, “Poguman-Ku kon i monimu! Aka moiko bo diá mogogai mogaid kon moitaḷá bo mobaḻí ná mongoadí tanaa, yo moiko in diábí mobaḻí umat i Allah.

MATIUS 19:15

Bo binarakatan-Neadon in mosia bodongka nobuat nongkon tua.

MATIUS 5:10

Pia in kamang in intau inta pinogutú lantaran mogaid kon inta kinoibog i Allah; sin mosia doman tua inta moyotakin i Allah!

MATIUS 5:3

“Pia in kamang in intau inta nobogá kon tayowon i Allah, sin mosia tua inta mobaḻí umat i Allah.

MARKUS 10:14

Nokoontongmai kon aid in murí-Nea mita natua, sinumorú in ki Yesus bo noguman kon i monia, “Pomayádon mako in mongoadí mita tanion in mamangoi kon i-Nakó! Dika ḷamboian in mosia, sin intaubí mita ná mosia naa in mobaḻí anggota in umat i Allah.

MARKUS 10:15

Torop in naa! Ki ine in mayá tumayow kon i Allah bo diá ná mongoadí mita tanaa, yo sia in diábí mobaḻí umat i Allah.”

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

HAKIM MITA 13:7

Táe sia in noguman kon inakó kon akuoi in monogusiandon bo mokouḻí kon adí ḷoḷaki. Sia in noguman doman kon akuoi in diábí motaau in monginum kon anggur andeka oinumon ibanea inta mokoḷoḷangu, andeka mokaan kon kaanon inta pinoton, sin adí tatua in mustibí ogoi kon i Allah sin mobaḻí intau inta mogogundoi kon bonu in sia mobiagpa.”

SAMUEL 1 1:11

Onda intua ki Hana nodandi, kainia, “O Tuhan Inta Totok in Mokawasa, indoiaipa kaasí in mogogundoi-Mu naa! Indoiaipa in rorigaku. Toropdon in mogogundoi-Mu bo dikapa koḻiongan! Aka ogoian-Mu in adí ḷoḷaki in mogogundoi-Mu naa, yo ogoikubí in sia kon ini-Mu kinoouputbí in kinobiagannea. Dandionku doman kon buoknea in diábí gonsi-gonsingan.”

SAMUEL 1 1:22

Táe kon tanaa ki Hana in diá sinumakin. Gumannea kon i buḷoinea, “Bain naonda in guaton kon teté, ki Samuel in atodonku kon Baḷoi Tuhan, bo sia in mogutundon kon tua kinoouputbí in kinobiagannea.”

SAMUEL 1 1:24

Naonda in ki Samuel ginuatdon kon teté, inatod i inánea in sia kon Baḷoi i Tuhan kon Silo. Kon dodai intua nointokpa totok in sia. Ki Hana in nodia domandon kon sapi koḷakian tobatú inta umurdon toḷu notaong, gandum mopuḷú nokilo, bo botutu kuḻit tobatú inta nopuḻing in anggur.

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.