MATIUS 19:13 - Alkitab Singog In Mongondow Masa In Tanaa

¹³ Bo intau mita in namangoi nodia kon mongoadí mita kon i Yesus, sinbá barakatan-Nea in mosia. Táe murí-Nea mita sinumorú kon intau mita tatua.

MATIUS 19:13 ပူးပေါင်းရင်းမြစ်များ

KINOBAḺIAN 48:1

Diá noonggot kon tua pinotaaudon kon i Yusup kon ki amánea in notakitdon moyoyiga. Dá minayádon in sia takin ki adínea doyowa, ki Manasye bo ki Epraim, minayá noḷongow kon i Yakub.

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

MATIUS 16:22

Táe kinambéan i Petrus in ki Yesus poḷat noguman, “Tuhan! Poigumonku sinbá tua komintan diá in mobaḻí!”

MATIUS 19:12

Oyúon in intau diá mobuḷoi sin sia in pinolahirbí natua, bo oyúon doman in nobaḻí natua sin popisí in intau ibanea, bo oyúon inta ibogneabí tontaní in doí mobuḷoi sinbá motaau mogaid kon oaidan i Allah. Ki ine in mokosanggup motarima kon inta pinoguman-Ku naa yo pomayádon mako tarimaannea in naa.”

MATIUS 20:31

Táe intau moantó tatua in nongampag kon i monia, sinbá mosia in kibio-biómaidon, táe tongábí mokodugang kon ropot monia momaḷú, “Tuhan, Adí i Daud, kotabipa in kami!”

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”

KORINTUS 1 7:14

Tantú ḷoḷaki tatua in motaaubí mobaḻí umat i Allah sin aindon notonibuḷoi takin intau inta ain nobaḻí umat i Allah. Natua doman in buḷoi bobay, tantú motaau bidon doman mobaḻí umat i Allah sin ain notonibuḷoi in intau inta ain nobaḻí umat i Allah. Sin aka diá natua, yo tantú ki adí mita monia in naonda bo ki adí mita in intau inta diá nonotaau kon i Allah, táe aka duduian monimu in tongginaku naa, yo ki adí mita monimu tua in mobaḻí bidon umat i Allah.

SAMUEL 1 1:24

Naonda in ki Samuel ginuatdon kon teté, inatod i inánea in sia kon Baḷoi i Tuhan kon Silo. Kon dodai intua nointokpa totok in sia. Ki Hana in nodia domandon kon sapi koḷakian tobatú inta umurdon toḷu notaong, gandum mopuḷú nokilo, bo botutu kuḻit tobatú inta nopuḻing in anggur.