MATIUS 18:9 - Alkitab Singog In Mongondow Masa In Tanaa

⁹ Bo aka matamu mokopopisí kon inimu baradosaan, yo kuil bo ḷumbú. Sin maníka diá in mata tosimpaḷ táe iko in mobiag moyotakin i Allah dika in motompodpa in mata táe pogonag kon bonu in tuḷu in naraka.”

MATIUS 18:9 ပူးပေါင်းရင်းမြစ်များ

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

MATIUS 18:8

Aka ḻimamu andeka sioḷmu bo mokobaradosa kon inimu, yo pongkó bo ḷumbúdon intua. Sin maníka bo iko in mobiag takin i Allah takin diádon ḻima ande sioḷ tosimpaḷ, dika in oyúonpa in ḻima bo sioḷ doyowa táe pogonag kon bonu in tuḷu in naraka.

MATIUS 19:17

Ki Yesus in noḻibó, “Nongonu sin iko in moḻibóbí kon i-Nakó kon onu inta mopia? Tongábí tobatú in mopia. Aka iko moibog mobiag, yo duduiaidon in bayongan parenta i Allah.”

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

MATIUS 5:29

Manangka intua aka matamu koḷanan bo mokobaradosa kon inimu, yo maníka kuil bo ḷumbúdon intua, sin maníka bo koinggamáan in mata tosimpaḷ dika in awakmu komintan in pogonag kon bonu in naraka.

MARKUS 9:47

Aka matamu mokopopisí kon inimu mogaid kon inta mokobaradosa, yo kuildon in matamu tatua! Sin mopira-pirabí kon diá in mata tosimpaḷ in tumuot kon Dunia Mobagu i Allah, dika in oyúonpa in mata doyowa nosimpaḷ táe pogonag kon bonu in naraka.

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

IBRANI 4:11

Tuamai, koḻigai in kita moramuji totu-totuu in tumuot kon tampat pogogogaian tatua, sinbá diá tobatúmai in intau kon sigad naton in diá moituot kon tampat tatua ná mosia koḻipod sin popisí in diá mopirisaya kon i Allah.

WAHYU 21:27

Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.