MATIUS 18:28 - Alkitab Singog In Mongondow Masa In Tanaa

²⁸ Tongá naonda in simpaḷnea tatua iḷumuai bo noyodungkuḷ in sia in simpaḷ ibanea inta koboḻi doman kon inia táe tongá pulúan ribu. Dinomok bo binongkugnea in yobayatnea tatua, bo poḷat noguman, ‘Uboḻiai in boḻimu!’

MATIUS 18:28 ပူးပေါင်းရင်းမြစ်များ

NEHEMIA 10:31

Aka oyúon in bangusa ibanea in mopotaḷui in gandum andeka onuka kon inami kon singgai in Sabat andeka singgai motusi ibanea, yo diábí intua taḷuion nami. Kon pomuḷoi in taong impitunea, diábí tonggobaan nami in gobá bo diábí moigum kon boḻi.

NEHEMIA 5:7

bo nonantúdon kon oyúon in aidanku. Bo sinoboḷowku in guyanga mita in ḻipú bo itoi mita in rayat. Gumanku, “Moiko in mondorotbí kon i utatmu mita tontaní!” Onda intua nomia in akuoi kon bakid noyotakin sin momaḷut kon soaḷ tatua,

AMSAL 28:3

Intau inta nongawasa inta mondorot kon intau bogá, naonda bo uyan morogot inta momoguyaat kon bungai in boyó.

YESAYA 58:3

Bangusa tatua in moḻibó, “Onu in mangaḻenea in mopuasa aka diá ontongon i Tuhan? Onu in mangaḻenea in kita in tumonsiup aka diá in Sia moindoimai?” Ki Tuhan in moguman, “Totuubí, kon dodai in moiko koyogot in mopuasa, moiko in motayak kon kauntungan tontaní bo momakisa kon intau mita inta sinokotondananmu.

YEHEZKIEL 45:9

Ki Tuhan Inta Totok in moḷantud in noguman, “Tugatdon in dosamu mita, ei mongongawasa mita in Israel! Gogaiaidon in dodiamu inta mopomia ibo-ibog bo mondorot kon rayat tua. Aidaidon in onu inta moitutui bo moadil. Dikadon mokoimontanmai in moiko in mopoguntun kon umat-Ku nongkon butá monia. Akuoi, ki Tuhan Inta Totok in moḷantud in nomarenta kon tua kon inimu.

MATIUS 18:27

Bo noḻiai in ginanea popisí in tabinea kon simpaḷnea tatua, dá diádon pinoki uboḻinea in boḻinea tatua bo pinopatanneadon.

MATIUS 18:29

Yobayatnea tatua sinumungkud bo nopoigum kon inia, ‘Posabarpa muna, uboḻiankubí in boḻiku tatua!’

MATIUS 20:2

Naonda in nositantúandon kon tosinggai uboḻianan todinar, pinotabáneadon in mosia tua minayá nogaid kon gobánea.

MARKUS 14:5

Ḷana tatua in motaaubí potaḷui moiḻiu kon toḷu nogatut doit saḷaka, bo doit tatua in motaau ogoi kon intau nobogá!” Dá sinorúan monia in bobay tatua.

MARKUS 6:37

Táe ki Yesus in noguman, “Mustibí moiko in mopokaan kon i monia.” Dá murí-Nea mita in noguman kon i Yesus, “Musti degá in kami mayá motaḷui kon roti boḻi in doyowa nogatut doit saḷaka sin pokaan kon intau mita tanaa?”

LUKAS 10:35

Nopoikoḷomai kon singgai inogoiannea in doit saḷaka doyowa in kitogi baḷoi pongongandupan tatua bo nongoyow, ‘Tompiapa in sia bo onu in taḷuionmu ponompia kon inia daitonkubí toḻiuan aka mobuidon mangoi in akuoi.’ ”

LUKAS 7:41

Dá kai Yesus doman, “Oyúon intau doyowa, taya dua tua in tumpaḷa koboḻi kon intau inta mopopoḷuan in doit. Intau tobatú koboḻi kon ḻima nogatut doit saḷaka. Inta tobatú in koboḻi kon ḻima nopuḷú in doit saḷaka.

YOHANES 6:7

Ki Pilipus in notubag, “Aka roti bo tongá boḻi in doyowa nogatut doit saḷaka yo diábí tugat pokaan kon intau mita tanion, umpakabí tongá poyopiḻikon mako.”

ULANGAN 15:2

Nanaa in pogogaid. Intau mita in Israel inta nopoḷuan in doit kon intau tobangusanea, musti momopatdon kon boḻi tatua, sin podudui kon onu inta ain sinantú i Tuhan tontaní boḻi tatua ain bidon pinopatan, dá diá bidon motaau igumon bui.