MATIUS 18:20 - Alkitab Singog In Mongondow Masa In Tanaa

²⁰ Sin kon onda in oyúon doyowa andeka toḷu intau moyosipun mosumba kon i-Nakó, yo Akuoi in kon tua kon yua-yuak monia.”

MATIUS 18:20 ပူးပေါင်းရင်းမြစ်များ

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

YEHEZKIEL 46:10

Mongongawasa in mustibí tumuot kon Baḷoi Tuhan moyotakin in rayat bo naonda in mobui mustibí doman moyotakin.

ZAKHARIA 2:5

Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

MATIUS 18:21

Onda intua namangoi in ki Petrus bo noḻibó kon i Yesus, “Tuhan, dapot in kotongonumai degá akuoi in mongampung kon i utatku aka mosia mogaid kon taḷá kon inakó? Dapot in kopitu degá?”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

YOHANES 20:19

Kon singgai doman in Diminggu tatua, naonda in nodoḷomdon, murí mita i Yesus noyosipun kon baḷoi tobatú bo kinunsían monia komintan in ḷoḻingkop, sin moondok kon intau mita in Yahudi. Táe ki Yesus in baḷúbí noisindog magí kon yua-yuak monia bo noguman, “Salam dodamean bo kobiagan motompia kotaki-takin monimu.”

YOHANES 20:26

Naonda in todiminggu noiduduimai kon tua, murí mita i Yesus noyosipun bui kon tua, ki Tomas in oyúon domandon kon tua noyotakin monia. Komintan kinunsían monia in ḷoḻingkop, táe ki Yesus in namangoi bo sinimindog kon yua-yuak monia bo noguman, “Salam dodamean bo kobiagan motompia kotaki-takin monimu.”

YOHANES 8:58

Ki Yesus in notubag, “Poguman-Kudon kon i monimu, Wakutu in ki Abraham diápa noilahir, Akuoi naa in koyongan bidon oyúon.”

TESALONIKA 1 1:1

Utatku mita jamaat kon Tesalonika, inta ain nobaḻí umat i Allah ki Amá naton bo i Tuhan Yesus Kristus: Akuoi ki Paulus, ki Silwanus bo ki Timotius in umuran mopoigum kon i Allah sinbá tantú-Nea ogoian in barakat bo kobiagan motompia in moiko.

PILEMON 1:2

bo kon jamaat inta noyosipun kon baḷoimu; bo kon i utat doman naton bobay ki Appia bo yobayat toporjuangan naton, ki Arkhipus.

WAHYU 2:1

“Paisdon kon malaekat in jamaat inta kon Epesus, nanaa: Naadon in koyow nongkon i-Nia inta ḻima-Nea koḷanan in nokadai kon tundi pitu bo minayá kon sigad in sioḷ pototuduan kon togá inta pinomia nongkon buḷawan tua.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.