MATIUS 18:19 - Alkitab Singog In Mongondow Masa In Tanaa

¹⁹ Akuoi in bui doman moguman kon i monimu: Aka doyowa in intau kon sigad monimu bo motobatú kon gina bo moigum kon onukabí, yo onu inta pinoigum monia tua, ogoibí i Amá-Ku inta kon soroga.

MATIUS 18:19 ပူးပေါင်းရင်းမြစ်များ

MATIUS 21:22

Bo onu kabí in poigumon monimu kon bonu in sambayang takin mopirisaya totok, yo moiko in motarimabí kon onu inta inigummu.”

MATIUS 5:24

yo taḷaaipa in onu inta diniamu posumba tatua kon tayowon in meja pogogukatan kon sosumba bo bayádon muna poyodame i utatmu tatua bain tua bo bayádon pobogoi kon onu in posumbamu kon i Allah.

MATIUS 7:7

“Poigumdon, dá ogoianbí in moiko. Potayakdon, dá mokouḻí bí in moiko. Ponangkokódon, dá pobukatanbí in moiko kon ḷoḻingkop.

MARKUS 11:24

Manangka intua yo torop in naa: Aka moiko mosambayang bo oyúon in igumon, yo popirisayabí kon inogoibí i Allah kon inimu onu inigum monimu tua, dá tarimaanbí monimu intua.

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

YOHANES 15:7

Aka moiko bo umuran motobatú takin-Ku bo totundú-Ku in umuran popotonop mako monimu kon gina, yo poigumdon kon i Amá kon onukabí in koibog monimu; dá onu in pinoigummu tua in ogoi-Neabí.

YOHANES 16:23

Kon singgai tatua, moiko diá bidon moḻibó kon onu bo onu kon i-Nakó. Poguman-Kudon kon i monimu: Onukabí in igumon monimu kon i Amá podoyon kon tangoi-Ku, ogoibí i Amá intua kon i monimu.

OUMAN IN RASUL MITA 1:14

mosia in umuran notobatú kon gina moyosipun sin mosambayang. Mosia in nosambayang takin tongonumai in bobay ná ki Maria inta ki iná i Yesus, bo ki utat mita i Yesus.

OUMAN IN RASUL MITA 12:5

Dá ki Petrus in sinahang kon bonu in ponjara, táe umuran sambayangan in bayongan jamaat sinbá tantú in sia tuḷungan i Allah.

OUMAN IN RASUL MITA 16:10

Naonda in nokouḻí kon oontongon tatua, baya-bayá nobasadia in kami sin mayá in Makedonia. Sin nopirisayabí totok in kami kon ki Allahbí in nopotabá kon inami mayá intua mopoyaput in Habar Mopia kon bayongan in intau kon tua.

OUMAN IN RASUL MITA 6:4

sinbá motantú in pikiran nami in mopoyaput in pirman i Allah bo mosambayang.”

PILIPI 1:19

sin kinotaauankubí kon barakat in sambayang mita monimu takin totuḷung doman in Roho i Yesus Kristus, dá mobebasbí in akuoi.

YOHANES 1 3:22

Bo onu in igumon naton kon i-Nia, tarimaanbí naton, sin kita in umuran dinumudui kon parenta-Nea mita bo nogaid kon onu inta mokosanang kon gina-Nea.