MATIUS 18:12 - Alkitab Singog In Mongondow Masa In Tanaa

¹² Podudui in raianmu yo naonda in naa? Aka intau bo oyúon in dombanea mogatut in kobayongnea, bo tobatú kon sigad in domba mita tatua in nobuḻi, yo onu degá in aidannea? Tantú taḷaanneapabí muna in domba inta siow nopuḷú bo siow tua bodongka mayá motayak, kon inta nobuḻi tobatú tua.

MATIUS 18:12 ပူးပေါင်းရင်းမြစ်များ

DATU MITA IMITÁNEA 21:17

Bo ki Tuhan in noguman kon i Elia, nabi nongkon Tisbe tatua,

MAZMUR 119:176

Akuoi in noiḷangkam naonda bo domba inta nobuḻi, tuamai in angoidon, bo tayakdon in mogogundoi-Mu naa, sin diábí sinaḷáanku in parenta-Mu mita.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

YEREMIA 50:6

Umat-Ku in nádon domba inta pinomayá mako in gombalanea mita noiḷaḻe kon buḷud. Mosia in nodondaḷoi nongkon buḷud tobatú mopobayá in buḷud ibanea bo diádon kinotaauannea monia in baḷoi monia.

YEHEZKIEL 34:12

naonda bo gombala motayak bo mosipun kon dombanea mita inta noirarit bo bui tompiaan. Mosia in diaan-Ku bui nongkon tampat mita inta kinoraritan monia kon singgai inta nosindip bo inta diá mopia tua.

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.

YEHEZKIEL 34:28

Mosia in diá bidon pogagowan in bangusa mita inta diá nonotaau kon i-Nakó, andeka domokon in mahaḷuk mita moraat. Mosia in mobiag bidon motompia bo mooyúon, bo diá bidon in tobatúmai in intau in mopogogondok kon i monia.

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

YEHEZKIEL 34:6

Dá domba-Ku mita in minayádon in tombuḷudannea mita inta moḷantud bo kon buḷud mita. Mosia in noibaya-bayá mako kon sinangkub in butá, diábí tobatúmai in intau in nopandungmai bo notayak kon i monia.

MATIUS 12:11

Ki Yesus bui noḻibó kon i monia, “Aka kon sigad monimu bo oyúon kodomba tobatú, bo domba tatua in noḷabú kon bubú inta moonag kon tungkuḷ in singgai in Sabat; yo degá diánea bayáan gamáan bo poḷuai?

MATIUS 18:13

Bo poguman-Ku kon i monimu, aka mouḻíneadon bui in domba inta nobuḻi tatua, yo tua in totok kotabinea nongkon inta siow nopuḷú bo siow inta diá nobuḻi.

MATIUS 21:28

“Aka podudui in raianmu yo naonda in ouman tanaa: Oyúon intau kogadí kon doyowa tumpaḷa ḷoḷaki; Sia minayá bo noguman kon adí guya-guyang, ‘Uḻe bayápa kon gobá in anggur bo pogaid singgai naa.’

MATIUS 22:42

“Aka podudui in raian monimu yo buí i ine in ki Mesias? Ki Adí i ine in Sia?” Tubag monia kon i-Nia, “Buí i Daud.”

KORINTUS 1 10:15

Akuoi in moguman kon i monimu naonda bo moguman kon intau mita inta mopandoi. Raidon onu in pinogumanku naa.

PETRUS 1 2:25

Koḻipod moiko in naonda bo domba inta noiḷaḻe, táe tanaa moiko in diniadon bui sinbá dumuduidon kon Gombala bo kon i Inta Moḷoḷukad kon jiwamu.