MATIUS 18:11 - Alkitab Singog In Mongondow Masa In Tanaa

¹¹ Sin Adí Intau in namangoi sin moposaḷamat kon intau mita inta nongobuḻi!]

MATIUS 18:11 ပူးပေါင်းရင်းမြစ်များ

MATIUS 10:6

Táe bayádon kon intau mita in Israel, inta nongoiḷaḻe.

MATIUS 15:24

Táe ki Yesus in notubag, “Akuoi pinotabá mamangoi sin motayak kon intau mita in Israel inta nongobuḻi.”

MATIUS 18:12

Podudui in raianmu yo naonda in naa? Aka intau bo oyúon in dombanea mogatut in kobayongnea, bo tobatú kon sigad in domba mita tatua in nobuḻi, yo onu degá in aidannea? Tantú taḷaanneapabí muna in domba inta siow nopuḷú bo siow tua bodongka mayá motayak, kon inta nobuḻi tobatú tua.

MATIUS 9:12

Singog monia tua dinongog i Yesus, dá Sia in noguman kon i monia, “Deemanbí intau mosehat in moparaḷu kon dokter, táe intaubí nongotakit.

LUKAS 15:24

Sin ki adíku inta ain minatoi, tanaa mako in nobiagdon bui.’ Bo nomangkoidon in mosia norame.

LUKAS 15:32

Tanaa in kita in patusbí mosanang in gina bo morame moyotakin, sin ki ai-aimu uḻe inta ain minatoi in nobiagdon bui. Ki ai-aimu inta nobuḻi in nouḻídon bui.’ ”

LUKAS 19:10

Sin ki Adí Intau in mamangoi motayak bo moposaḷamat kon intau inta nongobuḻi.”

LUKAS 9:56

Dá mosia minayádon kon ḻipú ibanea.

YOHANES 10:10

Mononakow tua in tongábí mamangoi monakow, moḻimod bo momoguyaat. Táe Akuoi in mamangoibí sinbá mosia in mokouḻí kon kobiagan, kobiagan inta mobayong totok in kasanangan.

YOHANES 12:47

Intau inta nokodongog kon totundú-Ku, táe diá mopoaid, yo deemanbí Akuoi in mohakim kon inia. Sin Akuoi in namangoi deemanbí mohakim kon dunia naa, táe moposaḷamatbí kon dunia naa.

YOHANES 3:17

Sin ki Allah in nopotabá kon i Adí-Nea namangoi in dunia naa deemanbí mamangoi mohakim kon intau kon dunia naa, táe mamangoibí moposaḷamat kon i monia.

TIMOTIUS 1 1:15

Totuubí in singog tanaa, tuamai in patusbí tarimaan bo pirisayaan komintan: “Kon ki Kristus ain namangoi in dunia naa sin moposaḷamat kon intau baradosa.” Bo akuoibí naa in intau inta totok in binaradosa bo inta totok doman in moraat.