MATIUS 17:9 - Alkitab Singog In Mongondow Masa In Tanaa

⁹ Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

MATIUS 17:9 ပူးပေါင်းရင်းမြစ်များ

MATIUS 12:16

Táe Sia nogimaḷow sinbá diá potaa-taau mako monia intua kon intau ibanea.

MATIUS 17:12

Táe poguman-Kudon kon i monimu, ki Elia ain namangoi, táe intau diá nokotaau kon inia, bo tongá pinomia monia ibo-ibog in sia. Bo natua doman in roriga inta popoaid monia kon Adí Intau.”

MATIUS 17:20

Ki Yesus in notubag, “Popisí in diá mopirisaya in moiko. Tuamai Akuoi in moguman kon i monimu, ‘Aka oyúon pirisayamu tongá kabí ná koḷoben batoḷ in sesawi’, yo moiko in motaau moguman kon buḷud tanaa, ‘Pomampingdon kon tua!’ Dá buḷud tanaa in dumuduibí doman kon singogmu, bo diábí in tobatúmai in diá motaau monimu aidan. [

MATIUS 17:22

Kon wakutu in ki Yesus bo murí-Nea mita noyotakin kon Galilea, Sia in noguman kon i monia, “Adí Intau poposarakan monia kon kawasa in intau.

MATIUS 17:23

Bo ḻimodon monia in Sia, táe kon singgai intoḷunea biagon bui in Sia.” Nokodongogmai kon tua norobonoḷ totok in gina in murí-Nea mita.

MATIUS 17:8

Bo naonda in mosia dinumungá, diádon inontong monia in ki Musa bo ki Elia, koḻikud bidon in ki Yesus.

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

MATIUS 8:4

Bo ki Yesus in noguman kon inia, “Toropdon in singog-Ku naa! Donaai oumanon kon i inekabí in onu inta nobaḻí tanaa. Táe bayádon bo pokiindoi kon imang, bo pobogoidon iko in sosumba ná inta pinarenta i Musa, mobaḻí bukti kon i monia kon nopia in iko!”

MARKUS 8:30

Dá ki Yesus nopotoingatdon kon i monia, sinbá diá mopotaau kon i inekadon in soaḷ Sia.

LUKAS 8:56

Guyanga in adí tatua totok in noherang in nokoontong. Táe onu inta ain nobaḻí tatua diábí inogoi i Yesus potaa-taau mako kon i inekabí.

LUKAS 9:36

Naonda in nogogai singog tatua, indoianmai monia yo dongkadon ki Yesus tontaní in kon tua. Táe tua komintan diábí inouman in murí-Nea mita kon intau ibanea.