MATIUS 17:27 - Alkitab Singog In Mongondow Masa In Tanaa

²⁷ Táe bá kita in diá mobaḻí ḷonggai kon i monia, dá bayádon bo pongail kon danow. Onda in toyá inta moaḷapmu muna, domokdon bo buká in bibignea dá mouḻímu in doit opat nodirham kon bonunea. Gamá in doit tatua bo uboḻiaidon in pajak natonda kon Baḷoi Tuhan.”

MATIUS 17:27 ပူးပေါင်းရင်းမြစ်များ

KINOBAḺIAN 1:28

Onda intua binarakatan-Neadon in mosia poḷat noguman, “Pononggadí bo pononggompudon kobarongon, sinbá buímu in ḻimitú bo mongawasa kon tua mita. Moiko in ogoian-Ku in oaidan monompia kon toyá mita, ḷagapan mita, bo bayongan mahaḷuk ibanea inta kaḻig.

DATU MITA IMITÁNEA 17:4

Iko in mokouḻíbí kon tubig inumon nongkon tapá tatua, bo ḷagapan kawag in potabá-Ku modia kon kaanonmu.”

MAZMUR 8:8

domba, sapi bo bayongan in biag, takin doman mahaḷuk mita kon kayuon;

YUNUS 1:17

Bo kon dodai intua ki Tuhan nopoangoi in toyá moḷoben tobatú inta noḻiom kon i Yunus. Dá ki Yunus in kon bonudon in sian in toyá tatua toḷu nosinggai bo toḷu nogobii in koonggotnea.

YUNUS 2:10

Onda intua, podudui kon parenta i Tuhan, toyá tatua noḷuádon kon i Yunus kon toba.

MATIUS 17:26

Ki Petrus notubag, “Intau mokokiangoi!” Dá ki Yesus in noguman kon inia, “Aka natua yo intau mita kon tua in diá bidon paraḷu moguboḻi kon pajak.

MATIUS 18:6

“Táe ki ine in mokopopisí kon tobatú nongkon sigad in mongoadí mita tanaa in diádon mopirisaya kon i-Nakó, yo mopia-piabí aka gantung bo popotogot kon sigogownea bodongka taḷomon kon dagat.

MATIUS 18:8

Aka ḻimamu andeka sioḷmu bo mokobaradosa kon inimu, yo pongkó bo ḷumbúdon intua. Sin maníka bo iko in mobiag takin i Allah takin diádon ḻima ande sioḷ tosimpaḷ, dika in oyúonpa in ḻima bo sioḷ doyowa táe pogonag kon bonu in tuḷu in naraka.

MATIUS 5:29

Manangka intua aka matamu koḷanan bo mokobaradosa kon inimu, yo maníka kuil bo ḷumbúdon intua, sin maníka bo koinggamáan in mata tosimpaḷ dika in awakmu komintan in pogonag kon bonu in naraka.

MATIUS 5:30

Ná tua doman aka ḻimamu koḷanan mokobaradosa kon inimu, yo pongkó mako bo ḷumbúdon intua! Sin maníka bo diá koḻima tosimpaḷ dika in awakmu komintan moibonu kon naraka.”

MARKUS 9:42

“Ki ine in mokopopisí modapot kon tobatú nongkon mongoadí mita tanaa diádon mopirisaya kon i-Nakó, yo mopira-piradon intau tatua popotogotan in gantung kon sigogow, bo pogonag kon dagat.

MARKUS 9:43

Aka ḻimamu mokopopisí kon inimu mogaid kon mokobaradosa, yo pongkó in ḻimamu tatua! Sin mopira-pirabí kon diá koḻima tosimpaḷ iko bo mobiag takin i Allah, dika in oyúonpa in ḻima doyowa nosimpaḷ táe tumuot iko kon naraka, tuata in tuḷu inta diá mopio-piong. [

LUKAS 17:2

Intau natua in maníka bo popotogotan in gantung kon sigogownea, bo ḷadungon kon dagat dika in mobiag in sia bo tongá mokopopisí kon intau mita mointok tanaa mogaid kon dosa.

YOHANES 6:61

Kinotaauanbí i Yesus kon murí-Nea mita in mongunsingogbí doman kon soaḷ tatua. Dá tuamai Sia in noguman, “Degá mokotersinggung kon i monimu in singog-Ku mita tatua?

SURAT I PAULUS KON JAMAAT RUM 14:21

Maníka dikadon mokaan kon ponoyá ande monginum kon anggur, ande mogaid kon onukabí inta mokopopisí kon i utatmu tumpaḷa Keresten tua, mogaid kon mokobaradosa.

KORINTUS 1 8:13

Tuamai aka mokobaradosabí kon i utatku mita in kaanon tatua, dá doí bidon in akuoi mokaan kon ponoyá tatua. Sin dikabo baradosaan in ki utatku tua popisí akuoi.

KORINTUS 1 8:9

Tongá musti mokopopia! Sinbá diá mokopopisí kon intau mita inta diápa noguyang in pirisaya monia in baradosaan, sin popisí in moiko nobebasdon in mogaid kon onukadon.

KORINTUS 2 6:3

Doíbí in kami aka oaidan nami bo potaḷáan. Manangka intua kami in tantúbí moramuji kon diá mobogoi in alasan kon tobatúmai intau in mogaid kon soaḷ tatua.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

TESALONIKA 1 5:22

Bo mokopoyayú kon bayongan inta moraat.

YAKOBUS 2:5

Toropdon, Utatku mita inta kinotabiku! Intau inta nobiag nobogá kon dunia naa, piniḻí i Allah mobaḻí intau inta mooyúon kon bonu in pirisaya. Intau mita tatua in mobaḻíbí anggota in umat i Allah ná inta pinodandi i Allah kon intau mita inta kinotabi-Nea.