MATIUS 17:24 - Alkitab Singog In Mongondow Masa In Tanaa

²⁴ Naonda in ki Yesus bo murí-Nea mita noidapot kon Kapernaum, namangoidon in mononagi kon pajak in Baḷoi Tuhan kon i Petrus bo noguman, “Ki Gurumu noguboḻi degá kon pajak in Baḷoi Tuhan andeka diá?”

MATIUS 17:24 ပူးပေါင်းရင်းမြစ်များ

NEHEMIA 10:32

Pomuḷoi in taong kami kon batúannea in moposumbang in ḻima nogram in saḷaka sin pobantung pakéon kon Baḷoi Tuhan.

IḶUAIAN 30:13

Bayongan intau inta iapondon kon pogiapan tatua musti moguboḻi podudui in boḻi inta ain sinantú kon Ḷoḷaigan-Ku mobaḻí salehe inta tongá poyaput kon i-Nakó.

IḶUAIAN 38:26

Kobayongnea tatua notongkai in onu inta inuboḻian in bayongan intau podudui in kobayong intau inta iniap tungkuḷ intua. Bayongan intau moguboḻi pinodudui kon onu inta ain sinantú, sinimbang podudui in simbangan inta pinaké. Kon bonu in pinogiapan tatua pinais in kobayong intau ḷoḷaki inta umur doyowa nopuḷú notaong bo namonik in 603.550 in kobayongnea.

MATIUS 5:46

Táe aka moiko bo tongá motabi kon intau inta motabi doman kon inimu, onubí in mangaḻenea? Diá kinotaauan monimu degá kon mononagi mita doman kon pajak mogaid doman kon natua?

MARKUS 9:33

Noidudui kon tua noiyaputdon in Kapernaum in mosia. Naonda in kon baḷoi ki Yesus noḻibó kon murí-Nea mita, “Onu in pinobobayowan monimu koina kon daḷan?”