MATIUS 17:22 - Alkitab Singog In Mongondow Masa In Tanaa

²² Kon wakutu in ki Yesus bo murí-Nea mita noyotakin kon Galilea, Sia in noguman kon i monia, “Adí Intau poposarakan monia kon kawasa in intau.

MATIUS 17:22 ပူးပေါင်းရင်းမြစ်များ

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 16:28

Poguman-Ku kon i monimu! Kon sigad in intau mita kon naa oyúon in diápa matoi aka mosia in diápa mokoontong kon Adí Intau mamangoi momarenta saḷaku Datu.”

MATIUS 17:12

Táe poguman-Kudon kon i monimu, ki Elia ain namangoi, táe intau diá nokotaau kon inia, bo tongá pinomia monia ibo-ibog in sia. Bo natua doman in roriga inta popoaid monia kon Adí Intau.”

MATIUS 17:23

Bo ḻimodon monia in Sia, táe kon singgai intoḷunea biagon bui in Sia.” Nokodongogmai kon tua norobonoḷ totok in gina in murí-Nea mita.

MATIUS 17:9

Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

MATIUS 24:10

Bo moantó intau in momayow kon i-Nakó, bo mosia in mosiposarakan bo poḷat mosisaturuan.

MATIUS 26:16

Bo kon dodaipa doman intua sia umuran motayak kon kasampatan mopia sin moposarakan kon i Yesus.

MATIUS 26:46

Pobangondon, bo igai mayádon in kita. Sin inta moposarakan kon i-Nakó in nodiugdon!”

MARKUS 8:31

Noiduduimai kon tua nomangkoidon in ki Yesus nobogoi in totundú kon murí-Nea mita, kon Adí Intau in musti mokorasa kon roriga mobayong, bo bayowan in itoi mita, imang mita itoi bo in mototundú mita kon agama. Ḻimodon in Sia, táe kon singgai intoḷunea biagon bui.

LUKAS 24:26

Degá diábí kinotaauan monimu kon Datu Mopoposaḷamat in mustibí muna mokorasa kon roriga sinbá mokouḻí kon kamuliaan-Nea?”

LUKAS 24:46

Bo Sia in noguman kon i monia, “Kon bonu in Buk Motusi pinais nanaa: Datu Mopoposaḷamat in musti mokorasa kon roriga, bo musti mobiag bui nongkon kinopatoian-Nea kon singgai intoḷunea.

LUKAS 9:22

Bo ki Yesus in noguman doman nanaa, “Ki Adí Intau mustibí motarima kon roriga mobayong, bo Sia in bayowan in itoi mita in ḻipu, imang mita itoi bo mototundú mita kon agama bo ḻimodon, táe kon singgai intoḷunea biagon bui.”

LUKAS 9:43

Komintan intau noherang in nokoontong kon kawasa i Allah inta námai tua in koḷoben. Kon wakutu intau mita nongoherangpa totok kon bayongan inta pinomia-Nea tatua, ki Yesus noguman kon murí-Nea mita,

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.

KORINTUS 1 11:23

Sin onu inta ain sinundúku kon i monimu, yo nongkon i Tuhanbí intua komintan: kon doḷom tua, wakutu in ki Yesus, Tuhan naton motoyongdon posarakan, Sia in nogamá kon roti,