MATIUS 17:20 - Alkitab Singog In Mongondow Masa In Tanaa

²⁰ Ki Yesus in notubag, “Popisí in diá mopirisaya in moiko. Tuamai Akuoi in moguman kon i monimu, ‘Aka oyúon pirisayamu tongá kabí ná koḷoben batoḷ in sesawi’, yo moiko in motaau moguman kon buḷud tanaa, ‘Pomampingdon kon tua!’ Dá buḷud tanaa in dumuduibí doman kon singogmu, bo diábí in tobatúmai in diá motaau monimu aidan. [

MATIUS 17:20 ပူးပေါင်းရင်းမြစ်များ

MATIUS 13:31

Ki Yesus nongonguman bui kon poumpamaan ibanea kon i monia, “Aka ki Allah in momarenta, yo ná umpama batoḷ: In sesawi inta ginamá in intau bo pinomuḷa kon gobánea.

MATIUS 14:29

Ki Yesus notubag, “Angoidon!” Dá ki Petrus noponag kon uangga, bo minayá kon i Yesus nongin tudu in tubig.

MATIUS 17:17

Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

MATIUS 17:19

Murí-Nea mita namangoi kon i-Nia bo naonda in mosia noitontaní, mosia in noḻibó kon i Yesus, “Nongonu sin kami in diábí mokountun kon dimukud moraat tatua?”

MATIUS 17:9

Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

MATIUS 21:21

Ki Yesus notubag kon i monia, “Poguman-Ku kon i monimu, aka moiko bo totu-totuu mopirisaya bo diá mohawatir, yo moiko in deemanbí tongá motaau mogaid kon ná inta pinomia-Ku kon pangkoi in ara tatua, táe moiko motaaubí doman moguman kon buḷud tanaa, ‘Pobuatdon nongkon tampatmu tanion bo koḷabúdon kon bonu in dagat’; yo mobaḻíbí doman intua.

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

MARKUS 11:22

Kai Yesus, “Popirisayadon kon i Allah.

MARKUS 11:23

Dá totuu kon moiko in motaaubí moguman kon buḷud tanaa, ‘Pobuatdon bo ḷabúdon kon bonu in dagat!’ bo mobaḻíbí doman intua kon i monimu; asaḷ bo diá moḻia-ḻiaw in gina monimu, bo mopirisaya in moiko kon onu inta siningog monimu tua in totu-totuubí mobaḻí.

MARKUS 4:31

Aka ki Allah momarenta, yo kaadaan-Nea in naonda bo poumpamaan tanaa: Tobatú batoḷ in sesawi ginamá in intau tobatú bo pinomuḷanea kon butá. Batoḷ in sesawi naa in batoḷbí inta paling mointok nongkon bayangan batoḷ kon dunia naa.

MARKUS 9:23

Ki Yesus in notubag, “Onu in kainimu? Aka mokotuḷungbí in Akuoi? Komintanbí motaau-Ku aidan asaḷ bo mopirisaya intau!”

LUKAS 1:37

Sin aka kon i Allah, diábí in diá motaau aidan-Nea.”

LUKAS 17:6

Tubag i Tuhan, “Aka oyúon in pirisaya monimu tongákabí ná koḷoben in batoḷ in sesawi, yo moiko in motaaubí moguman kon pangkoi in kayu inta moḷoben tatua, ‘Korabutdon in iko bo kobiagdon kon bonu in dagat,’ dá pangkoi in kayu tatua in dumuduibí doman kon singogmu.”

LUKAS 18:27

Ki Yesus in notubag, “Inta diá motaau aidan in intau, mogampangbí i Allah aidan!”

YOHANES 11:40

Dá ki Yesus in noguman kon i Marta, “Degá kinoḻionganmudon inta pinoguman-Ku kon inimu; Kon aka iko mopirisaya, yo iko in mokoontongbí kon kawasa i Allah inta totuu moḷoben!”

KORINTUS 1 12:9

Kon intau tobatú, Roho tatua in nobogoi doman in komampuan kon intau ibanea sinbá mopirisayadon totok kon i Kristus; bo kon intau ibanea doman, Roho tatua in nobogoi in totabi mongundam kon intau.

KORINTUS 1 13:2

Bo umpakabí in akuoi in mopandoi mopoyaput in Habar Mopia nongkon i Allah bo motaau doman totok in soaḷ mita inta nongoibuni, ande nonotaau kon bayongan yagi-yagi bo mopirisaya doman totok kon i Allah, sahingga in motaau mopopamping in buḷud, táe aka diá in tabiku kon tumpaḷa intau, yo diábí in mangaḻe in kobiaganku!

IBRANI 3:19

Tanaa in kinotaauandon naton kon mosia tua in diábí, moituot, sin diá mopirisaya in mosia kon i Allah.