MATIUS 17:2 - Alkitab Singog In Mongondow Masa In Tanaa

² Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

MATIUS 17:2 ပူးပေါင်းရင်းမြစ်များ

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

DONDONG MOḶANTUD 6:10

Ki ine in sia inta namangoi naonda bo bayag doḷo-doḷom, ná kogaga in moḷoben, ná kobayag in mata in singgai? Sia totok in mokoangá, naonda bo tontara mita kokada-kadai in bandera monia.

MATIUS 17:1

Onom nosinggai noiduduimai kon tua, ki Yesus nodia kon i Petrus, kon i Yakobus bo kon i Yohanes ki utatnea, mosia noyotakin notakod kon buḷud. Tongábí mosia in kon tua.

MATIUS 17:3

Bo inontong monia in ki Musa bo ki Elia in nongonguman takin-Nea.

MATIUS 28:3

Pogot in malaekat tatua mopouḻi-uḻinag, ḷambungnea in nobudó totok naonda bo salju.

MARKUS 9:3

Pakeang-Nea nobaḻídon nobudó mopouḻi-uḻinag. Diábí in tobatúmai intau mokobatá námai tua in kobudónea.

LUKAS 9:29

Wakutu in ki Yesus yogot nosambayang kon tua, indoianmai yo pogot-Nea in nobaḷui bo ḷambung-Nea in nobaḻídon nobudó mopouḻi-uḻinag.

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

SURAT I PAULUS KON JAMAAT RUM 12:2

Donaai in moiko dumudui kon ibog in dunia naa. Pomayádon mako in ki Allah in monoimbagu kon i monimu, sinbá mobaḷui in moiko. Sahingga in kotaauandon monimu onu kinoibog i Allah, tuata inta mopia bo inta mokosanang kon gina-Nea bo inta mosompurna.

WAHYU 10:1

Bo akuoi in nokoontong kon tobatú malaekat ibanea inta moroton noponag nongkon soroga. Sia inoḻiungan in goḷom bo kinobandowan in aḻibobag. Pogotnea in naonda bo mata in singgai, sioḷnea in naonda bo oigi tuḷu.

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.