MATIUS 17:18 - Alkitab Singog In Mongondow Masa In Tanaa

¹⁸ Bo ki Yesus in noguman kon dimukud moraat inta sinumoḷang kon adí tatua, ‘Ḷuai!’ Bo dimukud moraat tatua in iḷumuai, dá dodaipa doman tatua adí tatua in nopia.

MATIUS 17:18 ပူးပေါင်းရင်းမြစ်များ

MATIUS 12:22

Onda intua diniadon kon i Yesus in intau inta kinotoḷangan in dimukud moraat. Intau tatua bilog bo bobó sia inundaman i Yesus, dá nokosingog bo nokoontongdon.

MATIUS 15:28

Bo ki Yesus in notubag takin noguman kon i-Nia, “Uḻe iná, moḷoben totok in pirisayamu! Manangka intua yo mobaḻídon kon inimu ná inta kinoibogmu!” Bo dodaipa doman in tuata nopia in ki adínea.

MATIUS 17:17

Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

MATIUS 17:19

Murí-Nea mita namangoi kon i-Nia bo naonda in mosia noitontaní, mosia in noḻibó kon i Yesus, “Nongonu sin kami in diábí mokountun kon dimukud moraat tatua?”

MATIUS 9:22

Dodai intua ki Yesus in nobobui bo noindoi kon inia poḷat noguman, “Koroton in ginamu, adí-Ku! Sin iko in mopirisaya kon i-Nakó.” Bo kon dodaipa doman tua bobay tatua nopia.

MARKUS 1:34

Dá bayongan takit inta norupa-rupamai kon intau mita tatua nodait inundaman i Yesus, ná doman tua in dimukud mita inta moraat, nodait-Nea doman sinokountun. Diá-Nea inogoi mosingog in dimukud mita moraat tatua, sin kinotaauan monia in Sia.

MARKUS 5:8

Intau tatua in noguman natua sin ki Yesus noguman kon inia, “Ei dimukud moraat, ḷuaidon iko nongkon intau tanaa!”)

LUKAS 4:41

Dimukudpa mita moraat in iḷumuai nongkon moantó intau, sindaḷan kumarak bo moguman, “Iko nion in ki Adí i Allah!” Táe totok in sinorúan i Yesus in mosia bo diá inogoi mosingog sin kotaauandon monia kon Sia tua in Datu Mopoposaḷamat.

LUKAS 8:29

Dimukud moraat tatua noguman natua, sin pinotabá i Yesus iḷumuai nongkon intau tatua. Sin mokakitdon in pogarab in dimukud moraat in intau tatua. Dá poḷoḷukad kon intau tatua in dongka bidon togotonmai in rante bo umantungan, táe bontowonnea doman in rante inta pinotogot kon inia, onda intua sia diaan in dimukud moraat mayá in padang gurun.

LUKAS 9:42

Kon wakutu in adí tatua nopobayá kon i Yesus, dimukud moraat tatua nopobanting kon inia poḷat sinorondónea in awak in adí tatua. Táe totok in sinorúan i Yesus in dimukud moraat tatua bo pinoki ḷuaian-Nea nongkon adí tatua dá nopiadon in adí tatua bo poḷatdon pinosarakan kon i amánea.

OUMAN IN RASUL MITA 16:18

Tongonumai degá nosinggai in bobay tatua umuran momaḷú natua. Diádon nokotahang in ki Paulus in mokidongogmai kon pomaḷúannea natua dá binobuinea bo poḷat noguman kon dimukud tatua, “Podoyon kon tangoi Yesus Kristus akuoi in moguman kon inimu ḷuaidon nongkon bobay tanion!” Dá kon dodaipa doman in tatua iḷumuai in dimukud moraat tatua nongkon bobay tatua.