MATIUS 17:17 - Alkitab Singog In Mongondow Masa In Tanaa

¹⁷ Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

MATIUS 17:17 ပူးပေါင်းရင်းမြစ်များ

MAZMUR 95:10

Opat nopuḷú notaong in koonggotnea mobú in Akuoi kon i monia; guman-Ku: Totuu, bangusa tatua in diá motoḷutui! Mosia in diá nopandungmai kon parenta-Ku mita.

IḶUAIAN 10:3

Dá ki Musa bo ki Harun minayá nokipodungkuḷ kon i datu bo noguman kon inia, “Ki Tuhan, Allah in bangusa Ibrani, noguman, ‘Dapot in toonu iko doí tumungkud kon i-Nakó? Pomayádon mako in umat-Ku mayá, sinbá mosia in motaau mayá moibada kon i-Nakó.

IḶUAIAN 16:28

Bo ki Tuhan noguman kon i Musa, “Dapotpa in toonu moiko doí mokidongog kon parenta-Ku mita?

AMSAL 1:22

“Ei intau dondunguḷ! Modapot in toonu in moiko umuran natua? Toonu in mogogai in moiko in mopoompámai kon pongotahuan bo doí motarima kon topotundú?

AMSAL 6:9

Modapot in toonu in intau maḷat tatua in mosiug? Toonu in sia in mobangon?

YESAYA 19:14

Ki Tuhanbí in nomaḻí kon i monia nobogoi in tonggina inta mokotoboḻingu. Bungainea kon tua, Mesir mongoitaḷádon, bo mongoikuyungdon naonda bo intau noḷoḷangu inta norondog kon totukanea tontaní.

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

PINOGIAPAN 14:11

Ki Tuhan noguman kon i Musa, “Naondapa in koonggot in poḷawangan intau mita tanaa kon i-Nakó? Modapotpa in toonu in mosia diá mopirisaya kon i-Nakó, umpaka nobarongdon totok in mokoherang inaidan-Ku kon sigad monia?

PINOGIAPAN 14:27

“Umaai in toonu in intau mita moraat tatua mongunsingog kon i-Nakó? Bayongan inta inamui monia tua dinongog-Kudon.

MATIUS 13:58

Bo popisí in diá in pirisaya monia, dá diá nobayong in soaḷ inta mokoherang in pinomia-Nea kon tua.

MATIUS 16:8

Bo naonda in kinotaauan i Yesus onu in yogot monia yosingogon tua. Sia in noguman, “Nongonu sin moiko in noyosingogbí kon soaḷ diá in roti? Ei intau mita inta diá mopirisaya!

MATIUS 17:16

Aindon pinoki undamku kon murí-Mu mita, táe mosia in diá nokopia.”

MATIUS 17:18

Bo ki Yesus in noguman kon dimukud moraat inta sinumoḷang kon adí tatua, ‘Ḷuai!’ Bo dimukud moraat tatua in iḷumuai, dá dodaipa doman tatua adí tatua in nopia.

MATIUS 6:30

Dá aka ki Allah bo nobogoi kon inta mopia kon bungang mita inta singgai naa oyúon bo ikoḷom in tubáan. Yo tantú moikobí in kotabi-tabi-Nea! Táe moiko in diá totok mopirisaya!

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

MARKUS 16:14

Pangabisannea, ki Yesus nokipogontong kon murí-Nea mita mopuḷú bomitá tatua, wakutu in mosia koyogot mongaan. Sinorúan-Nea in murí-Nea mita tatua sin diá totok mopirisaya bo motogat totok in gina sahingga in diá mopirisaya kon intau mita inta ain nokoontong kon ki Yesus in nobiagdon bui.

MARKUS 9:19

Dá ki Yesus in noguman kon murí-Nea mita, “Moiḻiu-ḻiu bidon in moiko nion! Totu-totuubí kon moiko nion intau inta diá mopirisaya. Modapotpa in onda in Akuoi musti mogutun moyotakin monimu bo mokoposabar? Dia mangoi kon naa in adí tanion!”

LUKAS 24:25

Bo ki Yesus in noguman kon i monia, “Moiko nion in totuubí kon bodok! Moḷaḷoi totok in pororai monimu kon onu inta ain pinoguman in nabi mita!

LUKAS 9:41

Dá ki Yesus sinumorú kon murí-Nea mita kai-Nia, “Moiko nion intau mita inta moibog momaḷawang bo diá mopirisaya! Komangoipa degá in onda Akuoi musti umuran moyotakin monimu bo mosabar in moindoi kon oaid mita monimu? Dia mangoi in adí tanion!”

YOHANES 20:27

Noiduduimai kon tua, ki Yesus in noguman kon i Tomas, “Indoiaidon in ḻima-Ku, bo popoturakdon kon naa in tononuyúmu. Tonggó magí in ḻimamu bo popotudakdon kon sian-Ku. Dikadon moḻia-ḻiaw in gina, táe popirisayadon!”

OUMAN IN RASUL MITA 13:18

Opat nopuḷú notaong pinosabaran-Nea kon oaid mita monia kon padang gurun.

OUMAN IN RASUL MITA 2:40

Natuata pinogoginsilang i Petrus kon i monia. Bo nobarongpa doman in tongginanea ibanea inta monongganut kon i monia sinbá umukatdon kon bangusa mita inta moraat inta toko hukumon i Allah.

KORINTUS 2 11:1

Pomayápa mako akuoi in tumombodok topiḻik. Motaaubí degá?

ULANGAN 32:5

Táe moiko in bangusa inta diá motoindudui, bo diádon patus mobaḻí umat-Nea, bangusa inta nopuḻing in aid motombogá bo dosa.