MATIUS 17:14 - Alkitab Singog In Mongondow Masa In Tanaa

¹⁴ Naonda in ki Yesus bo murí-Nea mita minayádon bui kon intau nobarong tatua, namangoidon in tobatú intau nokipodungkuḷ kon i Yesus bo nosumba poḷat noguman,

MATIUS 17:14 ပူးပေါင်းရင်းမြစ်များ

MATIUS 17:13

Kon dodai intua kinomangaḻeandon monia kon inouman i Yesus tua in ki Yohanesbí Mobobaptis.

MARKUS 1:40

Tobatú intau inta pinanyaki kuḻit inta mokorongó in namangoi kon i Yesus bo sinumungkud kon tayowon-Nea poḷat noguman, “Aka kuma bo totabionpa i Amá, yo mopiabí i Amá in akuoi.”

MARKUS 10:17

Wakutu in ki Yesus nongingguput kon bobayáan bui, oyúon in intau tobatú noribatuk nopoangoi kon i-Nia. Intau tatua sinumungkud kon tayowon i Yesus bo noḻibó, “Guru inta mopia, onu in musti aidanku sinbá akuoi in motarima kon kobiagan inta mopia bo mononoi?”

OUMAN IN RASUL MITA 21:5

Táe naonda in nodaitdon in wakutu nami kon tua, minayádon in kami nongkon tua bo nongingguputdon kon bobayáan nami. Intau mita inta mopirisaya takin buḷoi bo adí monia nogatod kon inami nodapot kon ḷuai in kotá. Noidapotmai kon bingkí in pintad, kami in sinumungkud bo nosambayang.