MATIUS 17:12 - Alkitab Singog In Mongondow Masa In Tanaa

¹² Táe poguman-Kudon kon i monimu, ki Elia ain namangoi, táe intau diá nokotaau kon inia, bo tongá pinomia monia ibo-ibog in sia. Bo natua doman in roriga inta popoaid monia kon Adí Intau.”

MATIUS 17:12 ပူးပေါင်းရင်းမြစ်များ

MATIUS 11:2

Ki Yohanes inta kon bonu in ponjara aindon nokodongog kon onu in inaidan i Kristus,

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 17:11

Ki Yesus in notubag, “Totuu, ki Elia in mamangoi bo mopoyotutui kon inta noitaḷá.

MATIUS 17:13

Kon dodai intua kinomangaḻeandon monia kon inouman i Yesus tua in ki Yohanesbí Mobobaptis.

MATIUS 17:22

Kon wakutu in ki Yesus bo murí-Nea mita noyotakin kon Galilea, Sia in noguman kon i monia, “Adí Intau poposarakan monia kon kawasa in intau.

MATIUS 17:9

Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

MATIUS 21:32

Sin ki Yohanes ain namangoi mopoyotutui in daḷan inta totuu kon i monimu, táe diá pinirisaya monimu in sia. Táe mononagi mita kon pajak bo bobay mita inta sundaḷ nopirisaya kon inia. Sin umpakabí moiko ain nokoontong kon inia, táe moiko in diá angoian in panasaḷan bo moiko in diábí doman mopirisaya kon inia.”

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

LUKAS 7:33

Ki Yohanes Mobobaptis in namangoi – sia in diá nokaan kon roti bo diá doman nonginum kon anggur – táe kai monimu: ‘Sia tua kinotoḷangan in dimbuḷó!’

YOHANES 1:11

Sia in namangoi in dunia inta pinomia-Nea tontaní táe intau mita kapunyaan-Nea tatua in doí motarima kon i-Nia.

OUMAN IN RASUL MITA 2:23

Bo pinodudui in tomayá i Allah kon i-Nia, Sia pinosarakan kon imonimu. Sia in pinopopakú monimu kon kayu pinoyotaḻempang bo pinomayá mako in iḻimod in intau mita inta mongoromú.

OUMAN IN RASUL MITA 4:10

dá tanaa in pogumankudon kon i monimu bo kon bayongan intau in Israel, kon intau tanaa in nokosindogdon bo nosehatdon in indoian mako monimu popisí in ropot bo kawasa i Yesus Kristus intau in Nazaret inta ain pinopopakú monimu kon kayu pinoyotaḻempang, táe bui biniag i Allah in Sia nongkon sigad in intau minatoi.

OUMAN IN RASUL MITA 7:52

Eta oyúon nabi in diá pinogutú in mogoguyangmu mita? Sinbá kotaauan monimu, nodait monia iḻimod in totabá mita i Allah koḻipod, inta namangoi sin mopotaau in koangoian in Simpaḷ i Allah inta totok in mobanar, inta aindon doman irupa-rupamai monimu poḷat iḻimod.