MATIUS 17:1 - Alkitab Singog In Mongondow Masa In Tanaa

¹ Onom nosinggai noiduduimai kon tua, ki Yesus nodia kon i Petrus, kon i Yakobus bo kon i Yohanes ki utatnea, mosia noyotakin notakod kon buḷud. Tongábí mosia in kon tua.

MATIUS 17:1 ပူးပေါင်းရင်းမြစ်များ

MATIUS 17:2

Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

MATIUS 26:37

Bo dinia-Nea in ki Petrus bo ki adí i Zebedeus doyowa noyotakin-Nea. Bo mulaidon morobonoḷ in dodob-Nea bo moondok.

MARKUS 13:3

Noiduduimai kon tua ki Yesus minayá in Buḷud in Zaitun bo iḻimitú kon tampat inta noyogintayow in Baḷoi Tuhan. Ki Petrus, ki Yakobus, ki Yohanes bo ki Andreas namangoi kon i-Nia sin nongonguman takin-Nea.

MARKUS 5:37

Bo minayá turus in Sia, táe diádon tobatúmai inogoi-Nea dinumudui kon i-Nia koḻikud in ki Petrus, ki Yakobus bo ki Yohanes inta ki utat i Yakobus.

LUKAS 8:51

Noiyaputmai kon baḷoi i Yairus, diá tobatúmai intau ibanea inogoi i Yesus dinumudui kon i-Nia sinumuot in gopot, koḻikudbí in ki Petrus, ki Yohanes, bo ki Yakobus takin ki iná bo ki amá in adí tatua.

KORINTUS 2 13:1

Naa in kointoḷuneadon in akuoi namangoi nokipodungkuḷ kon i monimu. Kon Buk Motusi ain pinais nanaa, “Pomuḷoi in pelekara musti sakusian in doyowa ande toḷu in intau, bain tua pelekara tatua motaau akúon kon totuu.”

PETRUS 2 1:16

Kon wakutu in kami nopotaau kon inimu kon naonda in komomulia in koangoian i Tuhan naton ki Yesus Kristus, tua in inouman nami deemanbí tongá pinodoyon kon ouman mita in intau inta diá in mangaḻenea. Táe kamuliaan i Kristus tatua ain bidon inontong in mata nami tontaní.

PETRUS 2 1:18

Kamibí tontaní in nokodongog kon singog tatua namangoi nongkon soroga wakutu in kami koyota-yotakin-Nea kon tudu in buḷud inta motusi tatua.