MATIUS 16:21 - Alkitab Singog In Mongondow Masa In Tanaa

²¹ Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 16:21 ပူးပေါင်းရင်းမြစ်များ

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

MATIUS 16:22

Táe kinambéan i Petrus in ki Yesus poḷat noguman, “Tuhan! Poigumonku sinbá tua komintan diá in mobaḻí!”

MATIUS 16:28

Poguman-Ku kon i monimu! Kon sigad in intau mita kon naa oyúon in diápa matoi aka mosia in diápa mokoontong kon Adí Intau mamangoi momarenta saḷaku Datu.”

MATIUS 17:12

Táe poguman-Kudon kon i monimu, ki Elia ain namangoi, táe intau diá nokotaau kon inia, bo tongá pinomia monia ibo-ibog in sia. Bo natua doman in roriga inta popoaid monia kon Adí Intau.”

MATIUS 17:9

Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

MATIUS 26:2

“Kinotaauan monimu kon doyowapa nosinggai porayaan kon singgai moḷoben Paska, dá kon wakutudon tua Adí Intau posarakan sin popopakú kon kayu pinoyotaḻempang!”

MATIUS 26:47

Wakutu in ki Yesus yogotpa noyosingog, ki Yudas, tobatú murí-Nea in namangoidon noyotakin in intau mobayong inta kodia-dia in pitow. Bo bobobak, tua komintan in pinoki dia in imang mita itoi bo guhanga in ḻipú intau Yahudi.

MATIUS 27:12

Táe wakutu in imang mita itoi bo guhanga mita in ḻipú noponapud in tosingogon kon i-Nia, diábí sinokotubagan-Nea.

MATIUS 27:63

bo noguman, “Tuang, kinotoropan nami, Intau mouboḷ tatua kon wakutu in nobiagpa, perna noguman, ‘Naonda in toḷu nosinggai mobiag in Akuoi bui.’

MATIUS 28:6

Sia in diá bidon kon naa, sin Sia in nobiagdon bui, ná inta ain pinoguman-Nea, angoi bo indoiaika in tampat inta pinopouḻidan kon i-Nia.

MARKUS 8:31

Noiduduimai kon tua nomangkoidon in ki Yesus nobogoi in totundú kon murí-Nea mita, kon Adí Intau in musti mokorasa kon roriga mobayong, bo bayowan in itoi mita, imang mita itoi bo in mototundú mita kon agama. Ḻimodon in Sia, táe kon singgai intoḷunea biagon bui.

MARKUS 9:12

Tubag i Yesus, “Ki Elia in totuubí kon mamangoi muna sin monoḻisí kon bayongan yagi-yagi. Táe naonda degá in soaḷ Adí Intau inta pinais kon Buk Motusi, kon Sia in koantugan in roriga mobarong bo poḷat singkuḻeon in intau?

LUKAS 17:25

Táe Sia in munapabí mokorasa kon roriga bo diápabí tarimaan in intau mita masa in tanaa.

LUKAS 24:46

Bo Sia in noguman kon i monia, “Kon bonu in Buk Motusi pinais nanaa: Datu Mopoposaḷamat in musti mokorasa kon roriga, bo musti mobiag bui nongkon kinopatoian-Nea kon singgai intoḷunea.