MATIUS 15:8 - Alkitab Singog In Mongondow Masa In Tanaa

⁸ ‘Nanaa in kai Allah: Intau mita tanaa moduí kon i-Nakó táe tongá kon bibig monia, sin gina monia in moyayú kon i-Nakó.

MATIUS 15:8 ပူးပေါင်းရင်းမြစ်များ

AMSAL 23:26

Tondudut kopira bo duduidon kon kobobiagku, adíku!

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YEREMIA 12:2

Pinomuḷa-Mu in mosia naonda bo mobobiag mita, bo mosia in monguakat, mobiag, bo momungai. Mosia in umuranbí mosingog kon inta mongopia soaḷ Iko, táe kon bonu in gina, sabanarnea in mosia in diábí in pandungnea kon ini-Mu.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

MATIUS 15:7

Ei intau inta mongomunapik! Totuudon onu inta pinoguman muna i Nabi Yesaya soaḷ moiko,

MARKUS 7:6

Ki Yesus in notubag, “Ei moiko intau mita mongomunapik! Noitutui totok in onu inta ain pinotaau muna i Nabi Yesaya soaḷ moiko, inta pinais nanaa, ‘Nanaa in singog i Allah, Intau mita tatua mosumba kon i-Nakó, tongábí kon singog, táe gina monia in noyayúbí kon i-Nakó.

YOHANES 1:47

Inontong i Yesus in ki Natanael namangoi, dá ki Yesus in noguman nanaa soaḷ ki Natanael tua, “Indoiai, tua in intau in Israel motuḻid, diábí in uboḷ kon ginanea!”

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

OUMAN IN RASUL MITA 8:21

Diá motaau iko in dumudui mogaid takin nami, sin diá motuḻid in ginamu kon i Allah.

IBRANI 3:12

Utatku mita, mokopoingat sinbá diá in tobatúmai kon sigad monimu in gina moraat bo diádon mopirisaya, sahingga in tumoḻikud bo mokopoyayúdon kon i Allah inta nobiag!

PETRUS 1 3:10

Kon bonu in Buk Motusi ain pinais nanaa, “Intau inta moibog moumur in kobiagan bo moibog doman mokorasa kon kobiagan mopia, yo mustibí ḷukadannea in bibig sinbá diá mongonguman kon inta mongoraat bo diá doman mongonguman kon inta diá totuu.