MATIUS 15:6 - Alkitab Singog In Mongondow Masa In Tanaa

⁶ yo intau tatua in diá bidon patus mohoromat kon guyanganea. Aka oaid monimu bo natua, yo inanggap monimu in Pirman i Allah in diádon baraguna sin popisí in adatmu tontaní in mobara-baraguna.

MATIUS 15:6 ပူးပေါင်းရင်းမြစ်များ

MAZMUR 119:126

Tuhan, wakutu-Mudon mopobayá in oaidan-Mu, sin intau mita iḻimimpatdon kon hukum-Mu.

MAZMUR 119:139

Torúku in modokot kon bonu in ginaku popisí in musungku nokoḻiong kon totundú-Mu.

YEREMIA 8:8

Mokobaḻíbí totok in moiko in moguman kon moiko in mobijaksana, bo monotaau in hukum-Ku mita! Indoiaika naonda in hukum-Ku mita tatua binaḷuian in intau mita inta nonotaau totok in agama táe motombogá!

HOSEA 4:6

Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.

MATIUS 15:5

Táe moiko in moguman nanaa, ki ine inta moguman kon i amánea andeka kon i inánea: ‘Onu inta musti ogoiku pobantung kon i amá bo kon i iná, aindon inogoiku pinosumba kon i Allah,’

MATIUS 15:7

Ei intau inta mongomunapik! Totuudon onu inta pinoguman muna i Nabi Yesaya soaḷ moiko,

MARKUS 7:13

Dá totundú monimu tatua kon intau mita tuadon in monginggamá kon tosingogon i Allah. Nobayongpa doman in soaḷ naníon in inaidan monimu.”

SURAT I PAULUS KON JAMAAT RUM 3:31

Yo motaau degá in singogon kon popisí in kita bo mopirisaya kon i Kristus, dá musti ḷumbúondon in hukum agama Yahudi tatua? Diábí motaau in mosingog natua! Justru popisí in oyúondon in pirisaya naton tatua, dá musti horomaton naton in hukum tatua.

TIMOTIUS 1 5:16

Táe aka oyúon in intau Keresten inta kon tombonu in baḷoinea nobaḻídon boba-bobay, yo musti tompiaannea in sia, dikabí tongá moharap mako kon totuḷung in jamaat. Sin aka natua, dá jamaat in motaau bidon mayá motayak kon boba-bobay ibanea inta diádon in ginaḷumnea.

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.