MATIUS 15:4 - Alkitab Singog In Mongondow Masa In Tanaa

⁴ Ki Allah aindon noguman, ‘Horomatdon in ki amá bo ki inámu,’ bo ‘Ki ine in mogodi-godimai kon i amánea bo kon i inánea yo musti hukumon matoi.’

MATIUS 15:4 ပူးပေါင်းရင်းမြစ်များ

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

IḶUAIAN 21:17

Ki ine in mogodi-godimai kon i amá ande kon i inánea, musti hukumon matoi.

AMSAL 20:20

Intau inta mogodi-godimai kon guyanganea, kobiagannea in moinggamábí naonda bo togá inta mopiong kon doḷom inta sindip.

AMSAL 23:22

Duduiaibí in ki amámu; sin, aka diá in sia yo diábí doman in iko. Aka ki inámu in mogoguyangdon, yo poniatabí kon iko in mohoromat kon inia.

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

IMAMAT 20:9

Ki Tuhan nobogoi in atorang mita tanaa, “Intau inta mogodi-godimai kon i amánea ande kon i inánea musti hukumon matoi. Sia matoi popisí in taḷánea tontaní.

MATIUS 15:3

Táe ki Yesus notubag kon i monia, “Nongonu sin moiko in diábí doman dumudui kon parenta i Allah, tongá popisí in adat in mogoguyang?

MATIUS 15:5

Táe moiko in moguman nanaa, ki ine inta moguman kon i amánea andeka kon i inánea: ‘Onu inta musti ogoiku pobantung kon i amá bo kon i iná, aindon inogoiku pinosumba kon i Allah,’

MATIUS 19:19

horomatbí in ki iná bo ki amámu; bo kotabibí in tumpaḷa intau naonda bo kotabimu kon awakmu tontaní.”

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

SURAT I PAULUS KON JAMAAT RUM 3:31

Yo motaau degá in singogon kon popisí in kita bo mopirisaya kon i Kristus, dá musti ḷumbúondon in hukum agama Yahudi tatua? Diábí motaau in mosingog natua! Justru popisí in oyúondon in pirisaya naton tatua, dá musti horomaton naton in hukum tatua.

EPESUS 6:1

Uḻe! Moiko mongoadí mita inta saḷaku dumodudui i Kristus, duduiaibí in tonggina in guyangamu, sin natuabí in kinoibog i Allah aidanmu.

ULANGAN 27:16

‘Kinutuk in intau inta diá mohoromat kon guyanganea bo mopomayá mako kon i monia.’ ‘Amin!’

ULANGAN 5:16

Horomat bo ḷukadai in ki amá bo ki inámu; tuata in parenta-Ku, ki Tuhan Allahmu, sinbá moiko mobiag motompia bo moḷanggó in kobiagan kon butá inta bain ogoi-Ku kon inimu.